శేరిలింగంపల్లి, సెప్టెంబ‌ర్ 16 (న‌మ‌స్తే శేరిలింగంపల్లి): మహమ్మద్ ప్రవక్త జన్మ‌దినాన్ని పురస్కరించుకుని ముస్లింల‌కు శేరిలింగంపల్లి నియోజకవర్గ కాంగ్రెస్ పార్టీ ఇంచార్జి వి.జగదీశ్వర్ గౌడ్ మిలాద్ – ఉన్ – నబీ శుభాకాంక్షలు తెలియజేశారు. ఈ సందర్భంగా ఆల్విన్ కాలనీ డివిజన్ పరిధిలోని ఖాజా నగర్, ఎల్లమ్మబండల‌లో ఏర్పాటు చేసిన అన్నదానం కార్యక్రమంలో పాల్గొని ముస్లింలను ఘనంగా సన్మానించారు. ఈ సందర్భంగా ఆయ‌న‌మాట్లాడుతూ.. మహమ్మద్ ప్రవక్త జన్మదిన వేడుకల‌ను భక్తి శ్రద్ధలతో ప్రజలందరూ జరుపుకుంటారని అన్నారు.
మహమ్మద్ ప్రవక్త ప్రపంచానికి శాంతి, సౌభ్రాతృత్వాలను బోధించారని, మహమ్మద్ ప్రవక్త జీవితాన్ని స్ఫూర్తిగా తీసుకొని ప్రతి ఒక్కరు ముందుకు సాగాలని ఆకాంక్షించారు. ఈ కార్యక్రమంలో నియోజకవర్గ నాయకులు సయ్యద్ గౌస్, నవాజ్, ఇస్మాయిల్, రామకృష్ణ గౌడ్, డివిజన్ అధ్యక్షుడు మరేళ్ల శ్రీనివాస్, భారత్, కైసర్, సుల్తాన్, పట్వారీ శశిధర్, ప్రభాకర్, షేక్ రెహ్మాన్, శివ, తయ్యార్, గౌస్, భీమ్ రావు, మున్నా, ఖ‌లీల్‌, తకిల్, మహమ్మద్ అలీ, మోహమూద, ఇంతియాజ్ తదితరులు పాల్గొన్నారు.
