న‌మ‌స్తే శేరిలింగంప‌ల్లి: జ‌న శిక్ష‌ణ సంస్థాన్ రంగారెడ్డి జిల్లా బోర్డు మెంబ‌ర్‌గా శేరిలింగంప‌ల్లికి చెందిన సంకల్ఫ్ ఫౌండేష‌న్ వ్య‌వ‌స్థాప‌కురాలు గుండ్ర రోజి నియ‌మితుల‌య్యారు. సామాజిక సేవా విభాగం నుంచి రోజీకి ఈ స్థానం ద‌క్కింది. ఈ సంద‌ర్భంగా రోజీ మాట్లాడుతూ త‌న‌పై న‌మ్మ‌క‌ముంచి భాద్య‌త‌లు అప్ప‌గించిన ఉన్న‌తాధికారుల‌కు ఆమె ప్ర‌త్యేకంగా కృత‌జ్ఞ‌త‌లు తెలిపారు. కేంద్ర ప్ర‌భుత్వంలోని స్కిల్ డెవ‌ల‌ప్‌మెంట్ ఆండ్ ఎంట‌ర్‌ప్రెన్యూర్ షిప్ మంత్రిత్వ శాఖా ప‌రిధిలో జ‌న శిక్ష‌ణ సంస్థాన్ ప‌నిచేస్తుంద‌ని తెలిపారు. ఈ బోర్డుకు హైద‌రాబాద్ సెంట్ర‌ల్ యూనివ‌ర్స‌టీ వీసీ జిల్లా చైర్మ‌న్‌గా వ్య‌వ‌హ‌రిస్తార‌ని తెలిపారు. యువ‌త‌లో వృత్తి నైపుణ్యాన్ని పెంపొందించేలా జ‌న శిక్ష‌ణ సంస్థ‌న్ ప‌నిచేస్తుంద‌ని అన్నారు. త‌న‌పై ఉంచిన న‌మ్మ‌కాన్ని వ‌మ్ము చేయ‌కుండా త‌న శ‌క్తిమేర కృషి చేస్తాన‌ని తెలిపారు.
