శేరిలింగంపల్లి, సెప్టెంబర్ 7 (న‌మ‌స్తే శేరిలింగంపల్లి): తెలంగాణ ప్రదేశ్ కాంగ్రెస్ కమిటీ (టీపీసీసీ) నూతన అధ్యక్షుడిగా నియమితులైన బొమ్మ మహేష్ కుమార్ గౌడ్ కి పార్టీ శేరిలింగంపల్లి ఇన్‌చార్జి వి.జ‌గ‌దీశ్వ‌ర్ గౌడ్ శుబాకాంక్ష‌లు తెలియజేశారు. శ‌నివారం మహేష్ కుమార్ గౌడ్‌ను ఆయ‌న కార్యాల‌యంలో క‌ల‌సిన జ‌గ‌దీశ్వ‌ర్ గౌడ్ ఈ సంద‌ర్భంగా ఆయ‌నకు పుష్ప‌గుచ్ఛం అంద‌జేసి శుభాకాంక్ష‌లు తెలియజేశారు.
అనంత‌రం జ‌గ‌దీశ్వ‌ర్ గౌడ్ మాట్లాడుతూ.. మహేష్ కుమార్ గౌడ్ ఎన్నో ఏళ్ల నుంచి కాంగ్రెస్ పార్టీలో ఉన్నార‌ని, ఆయ‌న లాంటి సీనియ‌ర్ నాయ‌కులు టీపీసీసీ అధ్యక్షుడిగా ఎంపికవ‌డం సంతోష‌క‌ర‌మ‌ని అన్నారు. శేరిలింగంపల్లి నియోజ‌క‌వ‌ర్గంలో కాంగ్రెస్ పార్టీ బ‌లోపేతానికి కృషి చేస్తున్నామ‌ని తెలిపారు. ఎప్ప‌టిక‌ప్పుడు ప్ర‌జా స‌మ‌స్య‌ల‌ను తెలుసుకుంటూ ముందుకు సాగుతున్నామ‌న్నారు. శేరిలింగంపల్లి నియోజ‌క‌వ‌ర్గం అభివృద్ధికి రాష్ట్ర ప్ర‌భుత్వం క‌ట్టుబ‌డి ఉంద‌న్నారు.
