శేరిలింగంపల్లి, న‌వంబ‌ర్ 19 (న‌మ‌స్తే శేరిలింగంపల్లి): ప్రపంచంలో మహిళా సాధికారిత కోసం కృషి చేసిన నాయకురాలు ఇందిరా గాంధీ అని శేరిలింగంపల్లి నియోజకవర్గ కాంగ్రెస్ పార్టీ ఇన్‌చార్జ్ వి.జగదీశ్వర్ గౌడ్ అన్నారు. మంగ‌ళ‌వారం ఇందిరా గాంధీ జయంతి కార్యక్రమంలో పాల్గొన్న ఆయ‌న ఆమె విగ్రహానికి ఎం.బి.సి చైర్మన్ జేరిపాటి జైపాల్ తో కలిసి పూలమాలలు వేసి నివాళులర్పించారు. ఈ సందర్భంగా వారు మాట్లాడుతూ దేశవ్యాప్తంగా ఆమె చేసిన సేవలను స్మరించుకుంటూ మనం ముందుకు సాగాలని అన్నారు. ఇందిరా గాంధీ మహిళా సాధికారితకోసం ఎంతగానో కృషి చేశారని కొనియాడారు. ఆమె పాలనలో బడుగు బలహీన వర్గాలకు ఎంతో మేలు జరిగిందన్నారు. ఈ కార్యక్రమంలో నియోజకవర్గ నాయకులు, డివిజన్ అధ్యక్షులు, నాయకులు, సీనియర్ నాయకులు, కార్యకర్తలు, మహిళా నాయకులు, యూత్ కాంగ్రెస్ నాయకులు, NSUI నాయకులు తదితరులు పాల్గొన్నారు.
Advertisement
