మాదాపూర్ (న‌మ‌స్తే శేరిలింగంపల్లి): ప్రజలకు ఎల్ల‌ప్పుడూ అందుబాటులో ఉంటూ వారికి మెరుగు మౌలిక వ‌స‌తుల‌ను క‌ల్పించేందుకు కృషి చేస్తున్నామ‌ని మాదాపూర్ డివిజ‌న్ కార్పొరేటర్ వి.జగదీశ్వర్ గౌడ్ అన్నారు. గురువారం ఆయ‌న డివిజ‌న్ ప‌రిధిలోని ఆదిత్యనగర్ బి బ్లాక్ లో స్థానికుల‌తో క‌లిసి పాద‌యాత్ర చేప‌ట్టారు.
ఈ సంద‌ర్భంగా కార్పొరేటర్ జగదీశ్వర్ గౌడ్ మాట్లాడుతూ.. నూత‌నంగా మంజూరైన సీసీ రోడ్డు ప‌నుల‌ను త్వ‌ర‌లోనే ప్రారంభిస్తామ‌ని తెలిపారు. కొన్ని చోట్ల యూజీడీ స‌మ‌స్య‌లు ఉన్నాయ‌ని స్థానికులు ఈ సంద‌ర్భంగా కార్పొరేటర్ దృష్టికి తీసుకువ‌చ్చారు. ఇందుకు స్పందించిన కార్పొరేటర్ మాట్లాడుతూ.. యూజీడీ, మంజీరా పైప్ లైన్ స‌మ‌స్య‌లు ఉన్న చోట్ల ప‌నులు పూర్తి చేసి త్వ‌ర‌లోనే రోడ్ల‌ను నిర్మిస్తామ‌ని తెలిపారు.
ఈ కార్య‌క్ర‌మంలో టీఆర్ఎస్ బస్తీ అధ్యక్షుడు ముక్తార్, ఖాసీం, వార్డ్ సభ్యుడు రహీం, నాయకులు జాఫ‌ర్, రామకృష్ణ, నర్సింహ, బాబూమియా, సత్యనారాయణ, మొయిన్, శంకర్ రావు, సిద్దిక్‌, మహిళలు శశిరేఖ, మొగులమ్మ, శ్రీజ రెడ్డి తదితరులు పాల్గొన్నారు.
