శేరిలింగంపల్లి, అక్టోబ‌ర్ 26 (న‌మ‌స్తే శేరిలింగంపల్లి): శేరిలింగంపల్లి డివిజన్ పరిధిలోని హుడా ట్రేడ్ సెంటర్ గ్రీన్ పార్క్ లో వాకర్స్ అసోసియేషన్ కన్వీనర్ చౌడిశెట్టి బాలాజీ ఆధ్వర్యంలో పారిశుద్ధ్య కార్మికులకు దీపావళి పండుగను పురస్కరించుకుని నూతన వస్త్రాలు పంపిణీ చేశారు. ఈ కార్యక్రమంలో పాల్గొన్న రామాలయ పాలకమండలి ముఖ్య సలహాదారు శ్రీరామచంద్రమూర్తి, ఫ్రెండ్స్ వెల్ఫేర్ అసోసియేషన్ కన్వీనర్ తాడిబోయిన రామస్వామి యాదవ్ మాట్లాడుతూ మానవుడు ఆరోగ్యంగా ఉండాలంటే పరిసరాల పరిశుభ్రత ప్రధానపాత్ర పోషిస్తుంద‌ని అన్నారు. పరిసరాలను పరిశుభ్రపరిచే పారిశుద్ధ్య కార్మికులకు నూతన వస్త్రాలు బహుకరించినందుకు చౌడిశెట్టి బాలాజీని అభినందించారు. ఈ కార్యక్రమంలో కాలనీ వెల్ఫేర్ అసోసియేషన్ నాయకులు శ్రీనివాస్ గౌడ్, మహేష్ గౌడ్, అమ్మయ్య చౌదరి, బుచ్చిరెడ్డి, వాకర్స్ అసోసియేషన్ నాయకులు యాదగిరి గౌడ్, సాయిబాబా, నరేంద్రబాబు, శ్రీనివాసరావు, గోపిశెట్టి వెంకటేశ్వరరావు, సీనియర్ సిటిజన్స్, మహిళలు పాల్గొన్నారు.
