న‌మ‌స్తే శేరిలింగంప‌ల్లి: చందాన‌గ‌ర్‌లోని విశాఖ శ్రీ శార‌దా పీఠ‌పాలిత వెంక‌టేశ్వ‌రాలయ స‌ముదాయంలో శుక్ర‌వారం హ‌నుమాన్ జయంతి వేడ‌క‌లు జ‌రిగాయి. క‌రోనా ఉదృతి కొన‌సాగుతున్న నేప‌థ్యంలో ఏకాంతంగా ఆంజ‌నేయ స్వామివారికి ప్ర‌త్యేక పూజ‌లు నిర్వ‌హించారు. ఆల‌య ప్ర‌ధానార్చ‌కులు శ్రీ సుద‌ర్శ‌నం స‌త్య‌సాయి ప‌ర్య‌వేక్ష‌ణ‌లో అర్చ‌న‌లు, అభిషేకాలతో పాటు వివిధ ర‌కాల పండ్లు, పూల‌తో ప్ర‌త్యేక పూజ‌లు నిర్వ‌హించారు. ప్ర‌త్యేక అలంక‌ర‌ణ‌లో స్వామివారు ఆక‌ట్టుకున్నారు. ఈ కార్య‌క్ర‌మంలో ఆల‌య నిర్మాణ‌దాత, ట‌ర్భో ఇండ్ర‌స్ట్రీస్ అధినేత తోటా సుబ్బారాయుడు, ఆల‌య పాల‌క‌మండ‌లి స‌భ్యులు త‌దిత‌రులు పాల్గొన్నారు.
Advertisement
