నమస్తే శేరిలింగంపల్లి: రక్తదానంతో నిండు ప్రాణాలను కాపాడి పునర్జన్మను ఇచ్చినంత పుణ్యం ఉంటుందని ప్రభుత్వ విప్, ఎమ్మెల్యే ఆరెకపూడి గాంధీ అన్నారు. చందానగర్ డివిజన్ పరిధిలోని పీజేఆర్ స్టేడియంలో అషియా ఫౌండేషన్ ఆధ్వర్యంలో ఏర్పాటు చేసిన రక్తదాన శిబిరాన్ని ప్రభుత్వ విప్ ఆరెకపూడి గాంధీ ప్రారంభించారు. ఈ సందర్భంగా ఆయన మాట్లాడుతూ సామాజిక సేవా కార్యక్రమాల ద్వారా అషియా ఫౌండేషన్ అందరి మన్ననలు పొందుతుందన్నారు. రక్తదాన శిబిరాన్ని ఏర్పాటు చేయడం అభినందనీయమని అన్నారు. రక్తదానం చేయడం ద్వారా ప్రమాదంలో ఉన్న వారి ప్రాణాలు కాపాడినవారవుతారని చెప్పారు. ఈ కార్యక్రమంలో మాజీ కార్పొరేటర్ అశోక్ గౌడ్ చందానగర్ డివిజన్ అధ్యక్షుడు రఘునాథ్ రెడ్డి , మాదాపూర్ డివిజన్ అధ్యక్షుడు ఎర్రగుడ్ల శ్రీనివాస్ యాదవ్, నాయకులు అమిత్, కార్తిక్ గౌడ్, దాస్, కొండల్ రెడ్డి, ప్రవీణ్, నరేందర్ తదితరులు పాల్గొన్నారు.
