నమస్తే శేరిలింగంపల్లి: యువతకు స్వామి వివేకానందుని మాటలు మార్గదర్శనీయమని బిజెపి రాష్ట్ర నాయకులు కసిరెడ్డి భాస్కర రెడ్డి అన్నారు. స్వామి వివేకానంద జయంతి సందర్భంగా చందానగర్ లోని గౌతమి నగర్ కాలనీ మున్సిపల్ పార్కు స్థలంలో షటిల్ బ్యాడ్మింటన్ పోటీలను ఏర్పాటు చేశారు. ఈ పోటీలను కాలనీ అధ్యక్షుడు నూనె సురేందర్ తో కలిసి బిజెపి రాష్ట్ర నాయకులు కసిరెడ్డి భాస్కర రెడ్డి ప్రారంభించారు. క్రీడాకారులను ఉద్దేశించి కసిరెడ్డి భాస్కర రెడ్డి మాట్లాడుతూ స్థానిక మహిళలు, చిన్నారులు, యువకులు కలిపి మొత్తం 15 టీంలు క్రీడా పోటీల్లో పాల్గొనడం సంతోషకరమని అన్నారు. పోటీలు శారీరక దారుఢ్యం మెరుగుపడేందుకు దోహద పడుతాయని చెప్పారు. వివేకానందుడు ఆరోగ్యమైన సమాజాన్ని ఆశించారని అన్నారు. ఈ పోటీల్లో గెలుపొందిన టీములకు వివేకానంద జయంతి రోజున బహుమతులు ఇవ్వనున్నట్లు కసిరెడ్డి భాస్కరరెడ్డి అన్నారు. ఈ కార్యక్రమంలో కాలనీ మహిళలు, యువకులు, చిన్నారులు పాల్గొన్నారు.
