న‌మ‌స్తే శేరిలింగంప‌ల్లి: భెల్ టౌన్‌షిప్‌లోని భెల్ హైయ‌ర్ సెకండ‌రి స్కూల్‌లో స్వాంతత్ర దినోత్స‌వ వేడుక‌లు ఆదివారం ఘ‌నంగా జ‌రిగాయి. ఈ కార్య‌క్ర‌మంలో భెల్ హైయ‌ర్ సెకెండ‌రీ స్కూల్ అలుమ్నీ ఉపాధ్య‌క్షులు గొర్తీ శ్రీనివాస్ ముఖ్య అతిథిగా హాజ‌రై మువ్వ‌న్నెల జెండాను ఆవిష్క‌రించారు. ఈ సంద‌ర్భంగా ఆయ‌న మాట్లాడుతూ పూర్వ విద్యార్థుల‌తో క‌ల‌సి ఈ వేడుక‌ల్లో పాల్గొనడం ఎంతో సంతోషంగా ఉంద‌న్నారు. క‌రోనా పూర్తిగా క‌నుమ‌రుగ‌య్యి విద్యార్థులంతా త్వ‌ర‌గా ప్ర‌త్య‌క్ష త‌ర‌గ‌తుల‌కు హాజ‌ర‌వ్వాల‌ని ఆశాబావం వ్య‌క్తం చేశారు. ఈ కార్య‌క్ర‌మంలో స‌భ్యులు సుర్యారావు, శ్రీనివాసన్‌, శ్రీనివాస్ రెడ్డి, శ్రీవ‌ల్లి, ఉమా గ‌ణేష్‌, వైశాలి త‌దిత‌రులు పాల్గొన్నారు.
Advertisement
