నమస్తే శేరిలింగంపల్లి : శేరిలింగంపల్లి అసెంబ్లీ , కొండాపూర్ డివిజన్ లోని న్యూ హఫీజ్ పేట్, మార్తాండ నగర్ యునైటెడ్ హైస్కూల్లో కొండాపూర్ డివిజన్ బీజేవైఎం అధ్యక్షులు నవీన్ రెడ్డి ఆధ్వర్యంలో భారత క్షిపణి పితామహుడు, మాజీ రాష్ట్రపతి, భారతరత్న డా. ఏ.పి.జె. అబ్దుల్ కలాం 91వ జయంతి వేడుకలను ఘనంగా నిర్వహించారు. యువతరానికి మార్గదర్శకుడుగా, ప్రేరణగా నిలిచారని, విద్యార్థులే దేశ భవిష్యత్తు అని , వారిని సద్వినియోగం చేసుకుంటే సమాజంలో ఎన్నో విప్లవాత్మక మార్పులు తీసుకురావచ్చన్న కలాం గొప్ప ఆలోచనలు దేశంలో మిలియన్ల మందికి స్ఫూర్తినిచ్చాయన్నారు. ఈ కార్యక్రమం లో యునైటెడ్ స్కూల్ ప్రిన్సిపల్ వెంకటేశ్వర్ రావు, రంగారెడ్డి అర్బన్ జిల్లా యువ మోర్చా (బీజేవైఎం) ప్రధాన కార్యదర్శి కైతాపురం జితేందర్ , రంగారెడ్డి అర్బన్ జిల్లా బీజేవైఎం కార్యాలయ కార్యదర్శి రాజేందర్ రెడ్డి, డివిజన్ బీజేవైఎం నాయకులు సాయి పటేల్, అనిల్ పటేల్, సతీష్ గౌడ్, సాయి , వంశి , స్కూల్ విద్యార్ధులు పాల్గొన్నారు.
