మియాపూర్, సెప్టెంబ‌ర్ 8 (న‌మ‌స్తే శేరిలింగంప‌ల్లి): వినాయ‌క చ‌వితి ఉత్స‌వాల‌ను ప్ర‌జ‌లంద‌రూ ప్ర‌శాంత‌మైన వాతావ‌ర‌ణంలో జ‌రుపుకోవాల‌ని స్థానిక డివిజ‌న్ కార్పొరేట‌ర్, జీహెచ్ఎంసీ స్టాండింగ్ క‌మిటీ స‌భ్యుడు ఉప్పలపాటి శ్రీకాంత్ అన్నారు. ఆదివారం ఆయ‌న డివిజ‌న్ ప‌రిధిలోని మయూరి నగర్ కాలనీ, ప్రజాపతి ఎలైట్స్ అపార్ట్మెంట్స్, లక్ష్మి షెఫర్ అపార్ట్మెంట్స్, దత్త సాయి నగర్ కాలనీ, మియాపూర్ విలేజ్ లలో ఏర్పాటు చేసిన గ‌ణ‌నాథుల మండ‌పాల‌ను సంద‌ర్శించి గ‌ణేషున్ని ద‌ర్శించుకున్నారు. ఈ సంద‌ర్భంగా ఆయ‌న ప్ర‌త్యేక పూజ‌లు చేశారు.
అనంత‌రం ఆయ‌న మాట్లాడుతూ ప్ర‌జ‌లు భ‌క్తి శ్ర‌ద్ధ‌ల‌తో పండుగ ఉత్స‌వాల‌ను జ‌రుపుకోవాల‌న్నారు. ఎక్క‌డా ఎలాంటి అసౌక‌ర్యాలు ఎదుర‌వ‌కుండా భ‌క్తుల‌కు ఉత్స‌వ క‌మిటీలు ఏర్పాట్లు చేయాల‌న్నారు. ఈ కార్యక్రమంలో స్థానిక నాయకులు జెరిపేటి రామరాజు, తిమ్మరాజు, ప్రజాపతి ఎలైట్స్ అపార్ట్మెంట్స్, లక్ష్మి షెఫర్ అపార్ట్మెంట్స్ అసోసియేషన్ సభ్యులు కిషోర్, హరి కృష్ణ, చంద్రమౌళి, నాయుడు, హరిబాబు, చక్రి, శివ,దత్త సాయి కాలనీ వాసులు. రవికృష్ణ, రాంబాబు, శ్యాంబాబు, వీరాంజనేయులు, దుర్గారావు, రంగనాయకులు, మారుతి, నాగరాజ్, మహమ్మద్ ఖాజా, మారుతి రావు, మియాపూర్ విలేజ్ వాసులు రాజు, శేఖర్, సాయి, స్వామి, రవి, గిరి, మహేష్, శ్రీకాంత్, బాబూరావు, సాయిరాం తదితరులు పాల్గొన్నారు.
