నమస్తే శేరిలింగంపల్లి: పరిసరాలను పరిశుభ్రంగా ఉంచుకుని ఆరోగ్యాలను పరిరక్షించుకోవాల్సిన అవసరం ఎంతైనా ఉందని మియాపూర్ డివిజన్ కార్పొరేటర్ ఉప్పలపాటి శ్రీకాంత్ అన్నారు. మియాపూర్ డివిజన్ పరిధిలోని గురునాధం చెరువులో జిహెచ్ఎంసి ఎంటమాలజీ సిబ్బంది తో కలసి స్థానిక కార్పొరేటర్ ఉప్పలపాటి శ్రీకాంత్ డ్రోన్ యంత్రం సహాయంతో దోమల మందును పిచికారీ చేయించారు. ఈ సందర్బంగా ఆయన మాట్లాడుతూ దోమల నివారణ కోసం చెరువు చుట్టూ పరిసర ప్రాంతాల కాలనీవాసుల విజ్ఞప్తి మేరకు వెంటనే స్పందించి ఎంటమాలజీ సిబ్బంది తో డ్రోన్ యంత్రం సహాయంతో దోమల మందు పిచికారీ చేయించినట్లు తెలిపారు. ఇంటితో పాటు మన చుట్టుపక్కల ఉన్న పరిసర ప్రాంతాలను ఎప్పటికప్పుడు శుభ్రపర్చుకోవాలని అన్నారు. ఈ కార్యక్రమంలో ఎంటమాలజీ ఏఈ గణేష్, ఎస్ ఆర్ పి కనకరాజు, ఎంటమాలజీ సిబ్బంది, తదితరులు పాల్గొన్నారు.
Advertisement
