నమస్తే శేరిలింగంపల్లి: హఫీజ్ పేట్ డివిజన్ పరిధిలోని ప్రకాష్ నగర్ కాలనీ లో నూతనంగా ఏర్పాటు చేసిన కాలనీ ముఖద్వారం (కమాన్) ను పూజితజగదీశ్వర్ గౌడ్ గారు , జగదీశ్వర్ గౌడ్, ఉప్పలపాటి శ్రీకాంత్ తో కలిసి శనివారం ప్రభుత్వ విప్ ఆరెకపూడి గాంధీ ప్రారంభించారు. ఈ సందర్భంగా ప్రభుత్వ విప్ గాంధీ మాట్లాడుతూ ప్రకాష్ నగర్ కాలనీ కి ఇరువైపులా ముఖ ద్వారాలు (కమాన్ ) ఏర్పాటు చేయడం అభినందనీయమని అన్నారు. కాలనీలకు గుర్తుగా , ఒక చిరునామా గా పని చేస్తాయని ముఖ ద్వారాలు కాలనీల స్వరూపాన్ని తెలియజేస్తాయని చెప్పారు. ప్రకాష్ నగర్ కాలనీ కి ముఖ ద్వారాలు ఏర్పాటు చేసిన బాలింగ్ గౌతమ్ గౌడ్, పులి అరుణ శ్రీనివాస్ గౌడ్ ను ఎమ్మెల్యే గాంధీ ప్రత్యేకంగా అభినందించారు. కాలనీ ప్రధాన రోడ్డు వైపు హఫీజ్ పేట్ డివిజన్ అధ్యక్షుడు బాలింగ్ గౌతమ్ గౌడ్ వారి తండ్రి కీ. శే బాలింగ్ సత్తయ్య గౌడ్ జ్ఞాపకార్థం ఒక ముఖద్వారం, మంజీర రోడ్డు లో పులి అరుణ శ్రీనివాస్ గౌడ్ వారి కుమార్తె కీ. శే దివ్య జ్ఞాపకార్థం మరో ముఖద్వారం ను ఏర్పాటు చేసినట్లు తెలిపారు. ఈ కార్యక్రమంలో హఫీజ్ పెట్ డివిజన్ అధ్యక్షుడు బాలింగ్ గౌతమ్ గౌడ్ , ప్రకాష్ నగర్ కాలనీ వెల్ఫేర్ అసోసియేషన్ అధ్యక్షుడు వెంకట్ రెడ్డి , జనరల్ సెక్రటరీ రాజేశ్వర్ రావు , రమేష్ గౌడ్ , బెనర్జీ, కాలనీ వాసులు తదితరులు పాల్గొన్నారు.
