- మాదాపూర్ మెరీడియ‌న్ స్కూల్‌లో మొద‌టి శాఖ ప్రారంభం…
- ప్ర‌తి రోజు 250 మందికి ఆర్‌టీపీసీఆర్ పరీక్షలు…
న‌మ‌స్తే శేరిలింగంప‌ల్లి: కోవిడ్ సెకండ్ వేవ్ ఉదృతి కొన‌సాగుతున్న నేప‌థ్యంలో అపోలో సంస్థ వినూత్న సేవ‌ల‌కు తెర‌లేపారు. హైద‌రాబాద్‌లో మొట్ట‌మొద‌టి సారి కోవిడ్ డ్రైవ్ ఇన్ క‌రోనా టెస్ట్ సెంట‌ర్‌ల‌ను ప్రారంభిస్తున్నారు. ఈ క్ర‌మంలోనే మాదాపూర్ మెరిడియ‌న్ స్కూల్‌లో మొద‌టి ఈ డ్రైవ్ ఇన్ క‌రోనా టెస్ట్ సెంట‌ర్‌ను శుక్ర‌వారం ప్రారంభ‌మైంది. ఈ కేంద్రానికి వ‌చ్చిన వారికి కార్‌లోనే నుంచే వారి నమూనాలను సేకరిస్తారు. ఈ కేంద్రాల ద్వారా రోజూ 250 మంది పేషెంట్ల వరకూ వ్యాధి నిర్థారణ పరీక్షలు చేయించుకోవ‌చ్చు. త‌ద్వారా చికిత్స‌కు ఎంతో ఉప‌యోగ ప‌డుతుంది.
కరోన ప‌రీక్ష‌ల కోసం అనుస‌రించాల్సిన తీరు ఇలా…
- పరీక్షా కేంద్రానికి వచ్చే వారు తమ నమోదు కార్యక్రమాన్ని మొబైల్ లో క్యూఆర్ కోడ్ ను స్కాన్ చేయడం ద్వారా చేసిన వెంటనే వారి మొబైల్ లో టోకెన్ అందుకోవడం జరుగుతుంది.
- టోకెన్ అందుకొన్న తర్వాత పరీక్ష చేయించుకోదలచిన వారు తగిన రుసుము ఆన్ లైన్ లోనే చెల్లించి పరీక్షా కేంద్రానికి చేరుకోవాలి.
- టోకెన్ నెంబర్ ఆధారంగా ఫెల్భొటోమిస్టు (పరీక్ష నిర్వహించే నిపుణులు) నమూనాలను సేకరిస్తారు.
- నమూనాను సేకరించిన వెంటనే పరీక్ష చేయించుకొన్న వారి మొబైల్ లో వివరములతో పాటూ బిల్లు కూడా మెసేజ్ ద్వారా అందుతాయి.
- పరీక్షకు వచ్చే వారు తమతో పాటూ ప్రభుత్వం పేర్కొన్న విధంగా తగిన గుర్తింపు కార్డు (ఆధార్ కార్డ్ లేదా పాన్ కార్డ్ ) ను తమ వెంట తెచ్చుకోవాలి.
- పరీక్షానంతరం అపోలో డయాగ్నస్టిక్స్ వారు 48-72 గంటలలోగా రిపోర్టును ఆన్ లైన్ లోనే అందించడం జరుగుతుంది.
ఈ ప్రక్రియ అంతా మానవ రహితంగా మొత్తం ఆన్ లైన్ లోనే సాగుతుంది. రానున్న రోజులలో అపోలో డయాగ్నస్టిక్స్ వారు హైదరాబాదులో ఇలాంటి మరిన్ని కేంద్రాలను ఏర్పాటు చేయడానికి సన్నాహాలు చేస్తున్నారు. ఈ కొత్త పరీక్షా కేంద్రాల వివరాలను ఎప్పటికపుడు ఆపోలో డయాగ్నస్టిక్స్ వారి వెబ్ సైట్ www.apollodiagnostics.inలో ఉంచడం జరుగుతుంది. ఈ పరీక్షా కేంద్రాలకు సంబంధించిన మరింత సమాచారం కోసం అపోలో డయాగ్నస్టిక్ కస్టమర్ కేర్ వారిని 040-44442424 లో సంప్రదించగలరు.
