- పది విద్యార్థులకు స్టడీ మెటీరియల్ పంపిణీ
నమస్తే శేరిలింగంపల్లి: కొండాపూర్ మసీద్ బండలోని జడ్.పి.హెచ్.ఎస్ ప్రభుత్వ పాఠశాలలో టెన్త్ క్లాస్ విద్యార్థినీ విద్యార్థుల కోసం బిజేపీ రాష్ట్ర నాయకుడు రవి కుమార్ యాదవ్ ప్రత్యేకంగా ముద్రించబడిన స్టడీ మెటీరియల్ ను ఉచితంగా పంపిణీ చేశారు. ఈ సందర్భంగా రవి కుమార్ యాదవ్ మాట్లాడుతూ పదో తరగతి విద్యార్థులు అందరూ ఉత్తీర్ణులవ్వాలని, బాగా చదువుకోవాలనే ఉద్దేశంతో నిపుణులైన ప్రొఫెసర్ల సమక్షంలో స్టడీ మెటీరియల్ ముద్రణ చేయించినట్లు తెలిపారు.
ఈ స్టడీ మెటీరియల్ వల్ల మీరు అందరూ పరీక్షలకు సన్నద్ధం కావడం చాలా సులభతరం అవుతుందని, విద్యార్థులందరూ బాగా చదివి ప్రతి స్కూల్లోనూ 100% ఉత్తీర్ణులు అవ్వాలని కోరారు. శేరిలింగంపల్లి నియోజకవర్గం లోని ప్రతి ప్రభుత్వ పాఠశాలలో పదోతరగతి చదువుతున్న ప్రతి విద్యార్థికి ఆర్ కే వై ఫౌండేషన్ ద్వారా ఈ స్టడీ మెటీరియల్ ని ఉచితంగా అందజేస్తామని తెలిపారు. ఈ కార్యక్రమంలో ప్రధానోపాధ్యాయులు అనంత రెడ్డి, గంగాధర్ రెడ్డి, రాధాకృష్ణ యాదవ్, ఎల్లేష్ ,రమేష్, నరసింహ, శ్రీకాంత్ యాదవ్, శ్రీధర్, ఉపాధ్యయులు పాల్గొన్నారు.
