- ఆర్.కె.వై ఫౌండేషన్ ఆధ్వర్యంలో ‘పది’ విద్యార్థిని విద్యార్థులకు ఉచితంగా స్టడీ మెటీరియల్ పంపిణీ
నమస్తే శేరిలింగంపల్లి: మియాపూర్ డివిజన్ లోని జడ్.పి.హెచ్.ఎస్, మక్త మహబూబ్ పేట్ లోని ప్రభుత్వ పాఠశాలలో పదవ తరగతి విద్యార్థినీ విద్యార్థులకు ప్రత్యేకంగా ముద్రించబడిన ఇంగ్లీష్, తెలుగు మీడియం స్టడీ మెటీరియల్ ను ఉచితంగా పంపిణీ చేసారు. ఈ కార్యక్రమంలో బిజెపి రాష్ట్ర నాయకుడు రవి కుమార్ యాదవ్ మాట్లాడుతూ విద్యార్థులందరూ బాగా చదివి ప్రతి స్కూల్లోనూ 100% ఉత్తీర్ణులు అవ్వాలనే ఉద్దేశంతోనే ప్రతి సంవత్సరం ఈ స్టడీ మెటీరియల్ ను అందజేస్తున్నట్లు తెలిపారు.
శేరిలింగంపల్లి నియోజకవర్గం లోని ప్రతి ప్రభుత్వ పాఠశాలలో పదోతరగతి చదువుతున్న ప్రతి విద్యార్థికి ఆర్ కే వై ఫౌండేషన్ ద్వారా ఈ స్టడీ మెటీరియల్ ని ఉచితంగా అందజేస్తామని , మీరందరూ ఎంత బాగా చదువుకుంటే అంత గొప్ప వారవుతారని పేర్కొన్నారు. పదవతరగతి భవిష్యత్తు కు పునాదిలాంటిదని , అందరూ బాగా చదివి పాస్ అయ్యి మీ తల్లిదండ్రులను సంతోషపరచాలని, మీరందరూ పాస్ అయితేనే తమకు ఆనందంగా ఉంటుందన్నారు. కార్యక్రమంలో నాగుల్ గౌడ్, రాధాకృష్ణ యాదవ్, ఏల్లేశ్, రమేష్, లక్ష్మణ్ ముదిరాజ్, గణేష్ ముదిరాజ్, శ్రీనివాస్ యాదవ్, శ్రీను.జే, రాము.జే, రామకృష్ణ , శ్రీనివాస్ , పాల్గొన్నారు.
