- కాసేప‌ట్లో ఉత్కంఠ‌కు తెర‌దించ‌నున్న భాజాపా
- గెలుపు గుర్రాల‌పై అధిష్టానం తర్జన భ‌ర్జ‌న
- సుధీర్ఘ చర్చ‌ల అనంత‌రం ఫైన‌ల్ లిస్ట్ రెడి
న‌మ‌స్తే శేరిలింగంప‌ల్లి: గ్రేట‌ర్ ఎన్నిక‌ల్లో ఒక‌వైపు నామినేష‌న్ల ప‌ర్వం కొన్ని గంట‌ల్లోనే ముగియ‌నుండ‌గా శేరిలింగంప‌ల్లిలో ప్ర‌ధాన పార్టీల్లోనూ ఇంక అభ్య‌ర్థుల పేర్లు ఖ‌రారు కా‌క‌పోవ‌డం ఉత్కంఠ రేపుతుంది. ముఖ్యంగా భార‌తీయ జ‌న‌తాపార్టీ ఈ ఎన్నిక‌ల‌ను చాలెంజ్‌గా తీసుకున్న నేప‌థ్యంలో ఆ పార్టీ అభ్య‌ర్థులు ఎవ‌ర‌నే అంశంపై స‌ర్వ‌త్రా ఆస‌క్తి నెల‌కొంది. దుబ్బాక విజ‌యం త‌ర్వాత జీహెచ్ఎంసి ఎన్నిక‌ల్లో బిజెపి పైన అంచ‌నాలు పెరిగిపోయాయి. ఈ క్ర‌మంలోనే శేరిలింగంప‌ల్లి నియోజ‌క‌వ‌ర్గంలోను బిజెపి బ‌ల‌ప‌డ‌నుంది. అధికార టీఆర్ఎస్ పార్టీని ఢికొట్టేందుకు ఇప్ప‌టికే నిజామ‌బాద్ ఎంపి ధ‌ర్మ‌పురి అర‌వింద్‌ను నియోజ‌క‌వ‌ర్గ ఎన్నిక‌ల ఇంచార్జీగా ఆ పార్టీ అధిష్టానం రంగంలోకి దింపింది. గెలుపు గుర్రాల‌పై తర్జన భ‌ర్జ‌న‌లు చేసిన బాజాపా అధిష్టానం శేరిలింగంప‌ల్లిలోని అభ్య‌ర్థుల జాబితాను దాదాపు ఫైన‌ల్ చేసిన‌ట్టు తెలుస్తుంది. విశ్వ‌స‌నీయ స‌మాచారం ప్ర‌కారం అభ్య‌ర్థుల పేర్లు ఈ విధంగా ఉన్నాయి.
ప‌ది డివిజ‌న్ల బిజెపి అభ్య‌ర్థులు..?
శేరిలింగంప‌ల్లి నుంచి క‌ర్చ‌ర్ల ఎల్లేష్‌, గ‌చ్చిబౌలి నుంచి గంగాధ‌ర్‌రెడ్డి, మాదాపూర్ నుంచి రాధ‌కృష్ణ యాదవ్, కొండాపూర్ ర‌ఘునాథ్ యాదవ్, చందాన‌గ‌ర్ నుంచి పోరెడ్డి స‌రితబుచ్చిరెడ్డి, మియాపూర్ నుంచి రాఘ‌‌వేంద్ర‌రావు, హ‌ఫీజ్‌పేట్ నుంచి అనూష మ‌హేష్ యాదవ్, వివేకాంద‌న‌గ‌ర్ నుంచి క‌ల్ప‌న ఏకాంత్ గౌడ్‌, హైద‌ర్‌న‌గ‌ర్ నుంచి వెల‌గ శ్రీనివాస్/అరుణ్‌కుమార్‌, ఆల్విన్ కాల‌‌నీ నుంచి దుర్గాప్ర‌సాద్‌ల పేర్లు దాదాపు ఖ‌రారు అయిన‌ట్టు విశ్వ‌స‌నీయ స‌మాచారం. మ‌రికాసేప‌ట్లో బిజెపి అధిష్టానం శేరిలింగంప‌ల్లి అభ్య‌ర్థుల జాబితాను ప్ర‌క‌టించ‌నుంది.
