ఆల్విన్ కాలనీ (న‌మ‌స్తే శేరిలింగంప‌ల్లి): ఆల్విన్ కాలనీ డివిజన్ ప‌రిధిలోని ధరణి నగర్, సాయి నగర్, తులసి నగర్, ఎల్లమ్మబండల‌లో కార్పొరేటర్ వెంకటేష్ గౌడ్ పారిశుధ్య సిబ్బందితో క‌లిసి పర్యటించారు. మురుగు నీరు నిలిచి ఇబ్బందికరంగా మారిన మ్యాన్ హోళ్ళు, పొంగుతున్న వాటిని ఎయిర్ టెక్ మిషన్ స‌హాయంతో శుభ్రం చేశారు. ఈ సందర్భంగా కార్పొరేటర్ మాట్లాడుతూ డివిజన్ లో ఎక్కడ పారిశుద్ధ్య సమస్య తలెత్తినా వెంటనే తమకు తెలియజేయాలని, అధికారులతో మాట్లాడి తక్షణం పరిష్కారానికి కృషి చేస్తామని ఆయన అన్నారు.
ఈ కార్యక్రమంలో యువ నాయకుడు రామకృష్ణ గౌడ్, వార్డు సభ్యుడు చిన్న శ్రీనివాస్, బీసీ సెల్ అధ్యక్షుడు రాజేష్ చంద్ర, సీనియర్ నాయకులు సమ్మా రెడ్డి, మహేందర్ రెడ్డి, నాగేశ్వరరావు, జనార్ధన్, ఏరియా కమిటీ సభ్యుడు పి.వెంకటేష్ గౌడ్, సీనియర్ నాయకుడు బోయ కిషన్ తదితరులు పాల్గొన్నారు.
Advertisement
