నమస్తే శేరిలింగంపల్లి:తెలంగాణ ప్రైవేట్ ఉద్యోగుల సంక్షేమ సంఘం (టీపీయూఎస్ఎస్) గ్రేటర్ హైదరాబాద్ సెక్రెటరీ జనరల్ గా యాషం శ్రీనివాస్ యాదవ్, ఉపాధ్యక్షులుగా కొల్లూరు నవీన్ కుమార్ నియామకమయ్యారు. ఈ మేరకు ఆదివారం హైదరాబాద్ లోని గ్రేటర్ కార్యాలయంలో టీపీయూఎస్ఎస్ గ్రేటర్ కమిటీ అధ్యక్షుడు చిట్టా రెడ్డిప్రసాద్ శ్రీనివాస్ యాదవ్, నవీన్ కుమార్ కు నియామకపు పత్రాలను అందజేశారు. సంఘం బలోపేతానికి కృషి చేయాలని, ప్రైవేటు ఉద్యోగుల సమస్యల పరిష్కారానికి పాటు పడాలని చిట్టా రెడ్డి ప్రసాద్ సూచించారు. తమ నియామకానికి సహకరించిన ప్రతి ఒక్కరికి శ్రీనివాస్ యాదవ్, నవీన్ కుమార్ కృతజ్ఞతలు తెలిపారు. ఈ కార్యక్రమంలో రాష్ట్ర ఉపాధ్యక్షులు షేక్ ఫరీద్, గ్రేటర్ కమిటీ వర్కింగ్ ప్రెసిడెంట్ ప్రశాంత్ చారి, మహిళ అధ్యక్షురాలు గాయత్రి గుప్తా, ఉపాధ్యక్షులు రవిప్రకాష్ రెడ్డి పాల్గొన్నారు.
Advertisement
