నమస్తే శేరిలింగంపల్లి: తెలంగాణ సాయుధ పోరాట వార్షికోత్సవ బైక్ ర్యాలీ శేరిలింగంపల్లి నియోజక వర్గానికి చేరుకున్న సందర్భంగా చందానగర్ గాంధీ విగ్రహం దగ్గర సీపీఎం ఆధ్వర్యంలో సభ నిర్వహించారు. ఈ సభ లో సీపీఎం జిల్లా నాయకులు సామెల్, తారనగర్ తుల్జాభవాని ఆలయం చైర్మన్ మల్లికార్జున శర్మ మాట్లాడుతూ భూమి కోసం భుక్తి కోసం వెట్టిచాకిరి విముక్తి కోసం సాగిన వీరోచిత పోరాటo సాయుధ పోరాటమని అన్నారు. 4000 మంది కమ్యూనిస్ట్ కార్యకర్తలు ప్రాణ త్యాగం చేశారన్నారు. 10లక్షల ఎకరాల భూమి పేద రైతు లకు పంపిణీ చేశారన్నారు. ఇలాంటి మహత్తర పోరాటాన్ని కొంత మంది పక్కదారి పట్టిస్తున్నారని అన్నారు.. నిజాం సర్కార్ కు, భూస్వాములకు వ్యతిరేకంగా జరిగిన మహోన్నత పోరాటం అని అన్నారు. అన్ని మతాల అన్ని కులాల ప్రజలు ఈ పోరాటం లో పాల్గొన్నారని అన్నారు. సాయుధ పోరాట స్ఫూర్తి తో భవిషత్ లో మరిన్ని ప్రజా పోరాటాలు నిర్వహించాలని పిలుపునిచ్చారు.. సీపీఎం శేరిలిoగంపల్లి జోన్ కార్యదర్శి C శోభన్ అధ్యక్షతన జరిగిన ఈ కార్యక్రమంలో నాయకులు v మాణిక్యం k కృష్ణ, వరుణ్, జగదీశ్, రాజు, శ్రీనివాసరెడ్డి, అభిషేక్ నందన్ పాల్గొన్నారు.
