శేరిలింగంప‌ల్లి, అక్టోబ‌ర్ 22 (న‌మ‌స్తే శేరిలింగంప‌ల్లి): తెలంగాణ స్పెష‌ల్ పోలీస్ విభాగానికి చెందిన స్పెష‌ల్ పోలీస్ ఆఫీస‌ర్ (ఎస్‌పీవో) కె.శ్రీ‌నివాసులు ప‌లు ర‌కాల క్రీడ‌ల్లో జాతీయ స్థాయిలో రాణిస్తున్నారు. 2018లో అల‌హాబాద్‌లో జ‌రిగిన 10 కిలోమీట‌ర్ల రన్నింగ్ ఈవెంట్‌లో పాల్గొని 33 నిమిషాల్లో పూర్తి చేశారు. ఈ ఈవెంట్‌లో ఫ‌స్ట్ ర‌న్న‌ర‌ప్‌గా నిలిచారు.
అదేవిధంగా 2019లో 5 కిలోమీట‌ర్ల ఈవెంట్‌లో పాల్గొని 14 నిమిషాల్లో పూర్తి చేసి మ‌ళ్లీ ఫ‌స్ట్ ర‌న్న‌ర‌ప్‌గా నిలిచారు. అలాగే 2023లో 50 కిలోమీట‌ర్ల రన్నింగ్ ఈవెంట్‌లో పాల్గొని 3 గంట‌ల 10 నిమిషాల్లో పూర్తి చేసి మ‌ళ్లీ ఫ‌స్ట్ ర‌న్న‌ర‌ప్‌గా నిలిచారు. ఇందుకు గాను శ్రీ‌నివాసులు అవార్డుల‌ను అందుకున్నారు.
Advertisement
