నమస్తే శేరిలింగంపల్లి: మాదాపూర్ శిల్పారామంలో గురుపౌర్ణిమ పర్వదినోత్సవాన్ని పురస్కరించుకొని శనివారం నాద రమణీయం వేణు గాన సభను ఏర్పాటు చేశారు. ఈ కార్యక్రమానికి రాష్ట్ర ఇండస్ట్రీస్ అండ్ కామర్స్ ప్రిన్సిపల్ సెక్రటరీ జయేష్ రంజన్ ముఖ్య అతిథిగా హాజరయ్యారు. శేషం రమణ ఆధ్వర్యంలో వారి పూజ్య గురువులు కీ శే వి రమణ కు “వేణు గానాంజలి”ని సమర్పించారు. మొత్తం 26 మంది కళాకారులు ఈ సభలో పాల్గొని వేణుగానం చేసి ప్రకృతిని మైమరిపించారు. మహాగణపతిమ్, గురులేఖ, భజగోవిందం,అన్నమయ్య కీర్తనలు,రామదాసు కీర్తనలతో పాటు తదితర గానాలను వేణువు పై రాగాలతో పులకింపజేశారు. వేణుగానంతో అలరింపజేసిన కళాకారులను ప్రిన్సిపల్ సెక్రటరీ జయేష్ రంజన్ అభినందించారు.
Advertisement
