నమస్తే శేరిలింగంపల్లి: శేరిలింగంపల్లి నియోజకవర్గంలోని అన్ని ప్రభుత్వ పాఠశాలల్లో పదవ తరగతి చదువుతున్న విద్యార్థిని విద్యార్థులకు ఆర్ కే వై పౌండేషన్ ఆధ్వర్యంలో ఉచిత స్టడీ మెటీరియల్ ను పంపిణీ చేయడం జరుగుతుందని బిజెపి రాష్ట్ర నాయకులు రవికుమార్ యాదవ్ తెలిపారు. ఆర్ కె వై ఫౌండేషన్ ఆధ్వర్యంలో కొత్తగూడ, మాదాపూర్ ప్రభుత్వ పాఠశాలల్లో విద్యార్థిని, విద్యార్థులకు రవి కుమార్ యాదవ్ చేతుల మీదుగా స్టడీ మెటీరియల్ అందజేశారు. ఈ సందర్భంగా ఫౌండేషన్ చైర్మన్ రవి కుమార్ మాట్లాడుతూ గతంలో సందయ్య మెమోరియల్ ట్రస్టు ద్వారా ఎన్నో సేవా కార్యక్రమాలు చేపట్టామని, అందులో భాగంగా పౌండేషన్ ద్వారా పేద విద్యార్థిని, విద్యార్థులకు మా వంతు సహాయంగా పదో తరగతిలో ఉత్తీర్ణులు కావడానికి అనుభవజ్ఞులైన ప్రొఫెసర్స్ తో స్టడీ మెటీరియల్ తయారు చేయించి ఉచితంగా పంపిణీ చేయడం జరుగుతుందన్నారు. ఆర్ కె వై ఫౌండేషన్ ఆధ్వర్యంలో వేసవి కాలంలో ప్రజల దాహార్తిని తీర్చేందుకు చలివేంద్రాల ఏర్పాటు, అన్ని ప్రభుత్వ పాఠశాలలో ఉచిత నోట్ బుక్స్ ను పంపిణీ చేశామన్నారు. విద్యార్థినీ ,విద్యార్థులకు ఉచిత కంటి పరీక్షలు, పేద విద్యార్థుల ఉన్నత చదువుల కోసం ఆర్థిక సహాయం అందజేశామని తెలిపారు. ఈ కార్యక్రమంలో రాధా కృష్ణ యాదవ్, వెంకటేష్ యాదవ్, గోపాల్ ముదిరాజ్, మధు యాదవ్, శ్రీనివాస్, శ్రీధర్, నాగార్జున్, నాగు భాయ్, తదితరులు పాల్గొన్నారు.
