న‌మ‌స్తే శేరిలింగంప‌ల్లి: చందాన‌గ‌ర్ అన్న‌పూర్ణ ఎన్‌క్లేవ్‌లోని పోలా రంగనాయకమ్మ ట్ర‌స్ట్ చైర్మ‌న్ పోలా వాణీ కోటేశ్వ‌ర్‌రావు ఆద్వర్యంలో సోమ‌వారం స్థానిక నిరుపేద‌ల‌కు నిత్యావ‌స‌ర స‌రుకులు పంపిణీ చేశారు. ఈ కార్య‌క్ర‌మంలో ముఖ్య అతిథిగా పాల్గొన్న టీఆర్ఎస్ చందాన‌గ‌ర్ డివిజ‌న్ అధ్య‌క్షుడు ర‌ఘునాథ్ రెడ్డి ముఖ్య అతిథిగా పాల్గొని ట్రస్టు త‌ర‌పున 40 నిరుపేద కుటుంబాల‌కు బియ్యంతో పాటు ఇత‌ర నిత్యావ‌స‌రాల‌ను పంపణీ చేశారు. ఈ సంద‌ర్భంగా ఆయ‌న మాట్లాడుతూ క‌రోనా వికృత చ‌ర్య‌కు ఎంతో మంది నిరుపేద‌లు బ‌ల‌య్యార‌ని, అలాంటి వారిని స‌మాజం ఆదుకోవాల్సిన అవ‌స‌రం ఎంతైనా ఉంద‌ని అన్నారు. ఈ విప‌త్క‌ర ప‌రిస్థితుల్లో ఆక‌లితో అల‌మ‌టిస్తున్న కుటుంబాల‌కు చేయూతనందించేందుకు ముందుకు వ‌చ్చిన పోలా రంగనాయకమ్మ ట్రస్టు ప్ర‌తినిధుల‌ను ఆయ‌న ప్ర‌త్యేకంగా అభినందించారు. ఈ కార్య‌క్ర‌మంలో నాయ‌కులు మల్లేష్ పబ్బ, పోలా రంగనాయకమ్మ ట్రస్టు సభ్యులు డి.సుధాకర్, డాక్టర్ శ్రీనివాస్ రెడ్డి, అంతి రెడ్డి, శ్రీనివాస్ పబ్బ, విజయలక్ష్మి, వాణి, జితమన్యు, సాయి సుజిత్ తదితరులు పాల్గొన్నారు.
