న‌మ‌స్తే శేరిలింగంప‌ల్లి: హ‌ఫీజ్‌పేట్‌లోని అర్భ‌న్ ప్రైమ‌రీ హెల్త్ సెంట‌ర్‌లో కోవిడ్ వ్యాక్సినేష‌న్ ప్ర‌క్రియ ప‌క‌డ్భందిగా కొన‌సాగుతుంది. వైధ్యాధికారి డాక్ట‌ర్ విన‌య్ బాబు ప‌ర్య‌వేక్ష‌ణ‌లో 45 సంవ‌త్సరాల పైబ‌డిన వారికి సిబ్బంది టీకా ఇస్తున్నారు. ఈ సంద‌ర్భంగా డాక్ట‌ర్ విన‌య్ బాబు మాట్లాడుతూ ఆరోగ్య‌సేతు, కోవిన్ వెబ్‌సైట్ ద్వారా త‌మ పేర్ల‌ను న‌మోదు చేసుకున్న వారికి మాత్ర‌మే టీకా వేస్తున్నామ‌ని అన్నారు. ప్ర‌స్థుతం కోవీషీల్డ్ టీకా అందుబాటులో ఉన్న నేప‌థ్యంలో మొద‌టి, రెండ‌వ డోసు వారికి ఆ వ్యాక్సిన్ ఇస్తున్నామ‌ని అన్నారు. కోవాక్జీన్ అందుబాటులో ఉన్నంత‌మేర రెండ‌వ డోసు వారికి పంపిణీ చేయ‌డం జ‌రిగింద‌ని అన్నారు. మే 1 నుంచి 18 ఏళ్ల వ‌య‌స్సు పైబ‌డిన వారంద‌రికి వ్యాక్సిన్ ఇవ్వ‌డం జ‌రుగుతుంద‌ని, అర్హులైన వారంద‌రు త‌మ పేర్ల‌ను న‌మోదు చేసుకోవాల‌ని, రిజిస్ట్రేష‌న్ లేని వారు సెంట‌ర్‌కు వ‌చ్చి అర్హులైన వారిని ఇబ్బందుల‌కు గురిచేయ‌వ‌ద్దని సూచించారు.
