నమస్తే శేరిలింగంపల్లి: దేశానికి అంకితభావంతో సేవ చేసిన చీఫ్ ఆప్ డిఫెన్స్ స్టాప్ జనరల్ బిపిన్ రావత్ హెలికాప్టర్ ప్రమాదంలో మృతిచెందడం బాధాకరమని బిజెపి రంగారెడ్డి అర్బన్ జిల్లా అధ్యక్షుడు సామ రంగారెడ్డి, బిజెపి రాష్ట్ర నాయకులు రవికుమార్ యాదవ్ వాపోయారు. ఆర్మీ హెలికాప్టర్ కుప్పకూలి మృతి చెందిన త్రివిధ దళాధిపతి బిపిన్ రావత్ చిత్రపటానికి పూలమాల వేసి ఘన నివాళి అర్పించారు. దేశానికి ఆయన చేసిన సేవలను ఈ సందర్భంగా గుర్తు చేసుకున్నారు. భారతమాత యుద్ధవీరుడు భారతదేశానికి ఎన్నో సేవలు అందించిన గొప్ప సైనిక దళపతి 4 దశాబ్దాలకు పైగా భారతమాత సేవలో కొనసాగడం గర్వకారణమని అన్నారు. ఈ కార్యక్రమంలో బిజెపి నాయకులు తదితరులు పాల్గొన్నారు.
Advertisement
