నమస్తే శేరిలింగంపల్లి: ప్రజలందరూ ఆయురారోగ్యాలతో ఉండాలని, కరోనా మహమ్మారిని ప్రజలందరూ జయించాలని బిజెపి రాష్ట్ర నాయకులు కసిరెడ్డి భాస్కరరెడ్డి ఆకాంక్షించారు. శేరిలింగంపల్లి డివిజన్ లోని గోపీనగర్ లో బిజెపి నాయకులు పాండుగౌడ్ ఆధ్వర్యంలో మంగళవారం నిర్వహించిన ఫలహారం బండి ఊరేగింపులో కసిరెడ్డి భాస్కర రెడ్డి పాల్గొని అమ్మవారికి ప్రత్యేక పూజలు చేశారు. అమ్మవారి దయతో అందరూ బాగుండాలని అన్నారు. దైవానుగ్రహంతో కరోనా అంతమైపోవాలని కోరారు. పోతురాజుల నృత్యాలు, యువకుల కోలాహాలంతో ఫలహార బండి ఊరేగింపు కొనసాగింది. ఈ కార్యక్రమంలో నిర్వాహకులు లచ్చమొళ్ల అనంతయ్య గౌడ్, కృష్ణ గౌడ్, అరవింద్ గౌడ్, బిజెపి నాయకులు కర్చర్ల ఎల్లేష్, కసిరెడ్డి సింధూ రెడ్డి, రఘునాథ్ రెడ్డి, స్థానిక ప్రముఖులు పుట్ట రమేష్ గౌడ్, ప్రభాకర్ గౌడ్, నర్సింహ గౌడ్, పుట్ట వినయ్ కుమార్ గౌడ్, కృష్ణ, రాంచందర్ గౌడ్, నాగేశ్వర్ రావు, కృష్ణ యువకులు పెద్ద ఎత్తున పాల్గొన్నారు.
