నమస్తే శేరిలింగంపల్లి: గచ్చిబౌలి డివిజన్ పరిధిలోని టెలికాం నగర్ లోని సాయిబాబా దేవాలయంలో గచ్చిబౌలి డివిజన్ కార్పొరేటర్ గంగాధర్ రెడ్డి గారు ప్రత్యేక పూజలు చేశారు. భగవంతుడి ఆశీస్సులతో ప్రజలందరూ ఆయురారోగ్యాలతో,సుఖసంతోషాలతో ఉండాలని అన్నారు. కరోనా పూర్తిగా అంతమై ప్రజలు సుఖ సంతోషాలతో జీవించాలని సాయిబాబా వారిని వేడుకున్నట్లు తెలిపారు. ఆలయాలు మానసిక ప్రశాంతతకు ఎంతగానో దోహదపడతాయని, గచ్చిబౌలి డివిజన్ లో ఆలయాల అభివృద్ధికి తన వంతు కృషి చేస్తానని అన్నారు. ఈ కార్యక్రమంలో రంగారెడ్డి జిల్లా సంయుక్త కార్యదర్శి రవీందర్ రెడ్డి, సీనియర్ నాయకులు నరేందర్ రెడ్డి, రవీందర్ రెడ్డి, దినేష్ యాదవ్, మురళి, సుబ్రమణ్యం, మన్నే రమేష్, దేవాలయ కమిటీ సభ్యులు , భక్తులు, కార్యకర్తలు తదితరులు పాల్గొన్నారు.
Advertisement
