శేరిలింగంపల్లి, అక్టోబ‌ర్ 5 (న‌మ‌స్తే శేరిలింగంపల్లి): హఫీజ్ పేట్ డివిజన్ పరిధిలోని హుడా కాలనీలో హోప్ ఫౌండేషన్ చైర్మన్ కొండా విజయ్ కుమార్ ఆధ్వర్యంలో నిర్వహించిన 100వ వారం అన్నదానం కార్యక్రమంలో PAC చైర్మన్ ఆరెకపూడి గాంధీ ముఖ్య అతిథిగా పాల్గొని ప్రజలకు అన్నదానం చేశారు. ఈ సందర్భంగా గాంధీ మాట్లాడుతూ హోప్ ఫౌండేషన్ ఛైర్మన్ కొండా విజయ్ కుమార్ ని ప్రత్యేకంగా అభినందిస్తున్నాన‌ని అన్నారు.
అన్ని దానాల క‌న్నా అన్నదానం గొప్ప‌ద‌ని అన్నారు. పేద‌వాడి ఆక‌లి తీర్చే గొప్ప య‌జ్ఞం అని, ప్ర‌తి శ‌నివారం అన్నదానం నిర్వ‌హించ‌డం గొప్ప విష‌యం అని అన్నారు. ఇందుకు గాను కొండా విజయ్ కుమార్‌ని గాంధీ ప్రత్యేకంగా అభినందించారు. ఆయ‌న ఫౌండేషన్ చేస్తున్న సేవ‌ల‌ను కొనియాడారు. ఈ కార్యక్రమంలో మాజీ కార్పొరేటర్ అశోక్ గౌడ్, మాజీ కౌన్సిలర్ లక్ష్మీ నారాయణ గౌడ్, రఘునాథ్ రెడ్డి, జనార్దన్ రెడ్డి, కరుణాకర్ గౌడ్, బాలింగ్ గౌతమ్ గౌడ్, అక్తర్, నాయినేని చంద్రకాంత్ రావు, ప్రసాద్, అక్బర్ ఖాన్, వెంకటేష్ గౌడ్, యాదగిరి, నరేందర్ బల్లా, వెంకట్ రెడ్డి, సుదేశ్ పాల్గొన్నారు.
