కొండాపూర్ (న‌మ‌స్తే శేరిలింగంప‌ల్లి): కొండాపూర్ డివిజన్ లో నెలకొన్న సమస్యలు, చేసిన అభివృద్ధి కార్యక్రమాల‌పై డివిజన్ వార్డు మెంబర్స్ తో కార్పొరేటర్ హమీద్ పటేల్ సమీక్ష సమావేశం నిర్వహించారు. ఈ సమీక్ష సమావేశంలో ముఖ్యంగా డివిజన్ లో ఏరియాల‌వారీగా ఇప్పటి వరకు చేసిన అభివృద్ధిపై వార్డు మెంబర్స్ అభిప్రాయాలు తీసుకున్నారు. డివిజన్ లో సీసీ రోడ్లు, మంజీరా వాటర్ లైన్లు, స్ట్రీట్ లైట్స్, డ్రైనేజీ వ్యవస్థలపై కార్యాచరణ ప్రణాళిక గురించి ప్రధానంగా చర్చించారు. డివిజన్ లో పెండింగ్ లో ఉన్న పనులపై ఏరియాల వారీగా సమీక్షించారు. అత్యవసరంగా పరిష్కరించాల్సిన సమస్యలు, తక్షణ చర్యల‌పై వార్డు మెంబర్స్ ని అడిగి తెలుసుకున్నారు. ప్రజలకు ఎప్పుడూ అందుబాటులో ఉండాలని, డివిజన్ లో దశల వారీగా చేస్తున్న అభివృద్ధి కార్యక్రమలను ప్రజలలోకి తీసుకువెళ్లాలని వార్డు మెంబర్స్ కి సూచించారు. ఈ సమీక్ష సమావేశంలో వార్డు మెంబర్స్ నిర్మల, గౌరీ, రూప రెడ్డి, చాంద్ పాషా, రాజు యాదవ్, నర్సింహా సాగర్, శ్రీనివాస్ చౌదరి త‌దిత‌రులు పాల్గొన్నారు.
