శేరిలింగంపల్లి, ఆగస్టు 31 (నమస్తే శేరిలింగంపల్లి): శేరిలింగంపల్లి నియోజకవర్గం గచ్చిబౌలి డివిజన్ పరిధిలోని నానక్రామ్గూడలో కాళీమాత అమ్మవారి దేవాలయంలో గచ్చిబౌలి డివిజన్ బీజేపీ అధ్యక్షుడు శివ సింగ్ జన్మదిన వేడుకలను ఘనంగా నిర్వహించారు. ఈ కార్యక్రమానికి గచ్చిబౌలి డివిజన్ మాజీ కార్పొరేటర్ గంగాధర్ రెడ్డి ముఖ్య అతిథిగా హాజరై శివ సింగ్కు హృదయపూర్వక జన్మదిన శుభాకాంక్షలు తెలిపారు. ఈ సందర్భంగా గంగాధర్ రెడ్డి.. శివ సింగ్ను శాలువాతో ఘనంగా సన్మానించారు. అనంతరం శివ సింగ్ కేక్ కట్ చేయగా, గంగాధర్ రెడ్డి స్వయంగా కేక్ తినిపించి జన్మదిన శుభాకాంక్షలు తెలిపారు.
ఈ సందర్భంగా గంగాధర్ రెడ్డి మాట్లాడుతూ.. శివ సింగ్ ప్రజా సేవలో ఎంతో అనుభవం కలిగిన నాయకుడని, పార్టీ కార్యక్రమాలను ప్రజల్లోకి తీసుకెళ్లడంలో చురుకైన పాత్ర పోషిస్తున్నారని అన్నారు. భవిష్యత్తులో మరింత బాధ్యతతో, అంకితభావంతో ప్రజలకు సేవ చేస్తూ మంచి పేరు సంపాదించాలని ఆకాంక్షించారు. శివ సింగ్ సంపూర్ణ ఆయురారోగ్యాలతో, సుఖసంతోషాలతో నిండు నూరేళ్లు జీవిస్తూ ప్రజా సేవలో మరింత కాలం కొనసాగాలని గంగాధర్ రెడ్డి ఆకాంక్షించారు. గచ్చిబౌలి డివిజన్లో పార్టీని మరింత బలోపేతం చేస్తూ, కార్యకర్తలను సమన్వయం చేసుకుని ప్రజా సమస్యల పరిష్కారానికి కృషి చేయాలని సూచించారు. జన్మదిన వేడుకల అనంతరం గంగాధర్ రెడ్డి కాళీమాత అమ్మవారి దేవాలయంలో ప్రత్యేక పూజలు నిర్వహించి అమ్మవారి ఆశీస్సులు పొందారు. కాళీమాత అమ్మవారి కరుణాకటాక్షాలు ప్రజలందరిపై సంపూర్ణంగా ఉండాలని, ప్రతి కుటుంబం ఆయురారోగ్యాలు, సుఖసంతోషాలతో ఉండాలని ఆకాంక్షించారు.
ప్రజల సమస్యలను ఎప్పటికప్పుడు తెలుసుకుని సంబంధిత అధికారుల దృష్టికి తీసుకెళ్లి వాటి పరిష్కారానికి కృషి చేస్తామని గంగాధర్ రెడ్డి తెలిపారు. ప్రజా సేవే పరమావధిగా భావించి పార్టీ నాయకులు, కార్యకర్తలు సమిష్టిగా పనిచేసినప్పుడే డివిజన్ మరింత అభివృద్ధి చెందుతుందని అన్నారు. కార్యకర్తలే పార్టీకి బలమని పేర్కొన్న గంగాధర్ రెడ్డి.. ప్రతి కార్యకర్తకు తగిన గౌరవం, ప్రోత్సాహం అందిస్తూ అందరినీ కలుపుకొని ముందుకు సాగాలని అన్నారు. ఈ కార్యక్రమంలో బీజేపీ సీనియర్ నాయకులు, డివిజన్ నాయకులు, కార్యకర్తలు, యువ నాయకులు, అభిమానులు, స్థానిక ప్రజలు తదితరులు పాల్గొని శివ సింగ్కు జన్మదిన శుభాకాంక్షలు తెలిపారు.
