శేరిలింగంప‌ల్లి, న‌వంబ‌ర్ 2 (న‌మ‌స్తే శేరిలింగంప‌ల్లి): జిల్లా బీజేపీ ప్రధాన కార్యదర్శి చింతకింది గోవర్దన్ గౌడ్ ఆధ్వర్యంలో టెలిఫోన్ అడ్వైజరి బోర్డు మెంబర్ గా నియ‌మితులైన పోరెడ్డి బుచ్చి రెడ్డిని స‌త్క‌రించారు. ఈ కార్యక్రమానికి ముఖ్య అతిథిగా మాజీ జిల్లా పరిషత్ వైస్ చైర్మన్ నందకుమార్ యాదవ్ హాజ‌రై మాట్లాడుతూ బీజేపీలో ప్రతి కార్యకర్తకు న్యాయం జరుగుతుందని, రాష్ట్రంలో కూడా అధికారం వస్తే అనేక మంది కింది స్థాయి కార్యకర్తలకు అనేక పదవులు వస్తాయని ఆ దిశలో అందరూ పని చేయాలని అన్నారు. బుచ్చిరెడ్డిని అభినందిస్తున్నాన‌ని అన్నారు. ఈ కార్యక్రమంలో జిల్లా ప్రధాన కార్యదర్శి చింతకింది గోవర్దన్ గౌడ్, జిల్లా ఉపాధ్యక్షుడు తోపుగొండ మహిపాల్ రెడ్డి, అధికార ప్రతినిధి శాంతి భూషణ్ రెడ్డి, చందానగర్ డివిజన్ అధ్యక్షుడు రామ్ రెడ్డి, నాయకులు నీరటి చంద్రమోహన్, విజయ్ తదితరులు పాల్గొన్నారు.
