శేరిలింగంపల్లి, అక్టోబ‌ర్ 18 (న‌మ‌స్తే శేరిలింగంపల్లి): శేరిలింగంపల్లి డివిజన్ లోని జిల్లా పరిషత్ ఉన్నత పాఠశాలలో JOY-ALUKKAS సంస్థ వారు ఏర్పాటు చేసిన కార్యక్రమానికి శేరిలింగంపల్లి కార్పొరేటర్ రాగం నాగేందర్ యాదవ్ ముఖ్య అతిథిగా హాజ‌ర‌య్యారు. JOY-ALUKKAS వారు ZPHS పాఠశాలకు రూ.2,52,500 నిధులతో కంప్యూటర్లు, ఫర్నిచర్ తదితర సదుపాయాలను సమాకూర్చారారు. ఈ సందర్భంగా కార్పొరేటర్ రాగం నాగేందర్ యాదవ్ పాఠశాల ప్రధానోపాధ్యాయుని ఉపాధ్యాయుల సమక్షంలో JOY-ALUKKAS చందానగర్ బ్రాంచ్ మేనేజర్ రతీష్, అకౌంట్ మేనేజర్ ప్రశాంత్ లను శాలువా కప్పి ఘనంగా సత్కరించారు.
కార్పొరేటర్ మాట్లాడుతూ పేద విద్యార్థుల చదువుకు ఆటంకం కలగకూడదనే ఉద్దేశంతో విద్యార్థులను ప్రోత్సహిస్తూ JOY-ALUKKAS వారు మంచి ఆలోచనతో ముందు రావడం చాలా సంతోషకరమైన విషయమని వారిని అభినందించారు. విద్యార్థులు ఉన్నతమైన చదువులు చదువుకుని ఉన్నత శిఖరాలకు చేరుకోవాలని సూచించారు. ఈ కార్యక్రమంలో ZPHS HM రత్నప్రభ, ఉపాధ్యాయులు భాస్కర్ యాదవ్, బల్వంత్ రెడ్డి, వీరేశం, లక్ష్మి, ఉదయ కుమారి, కరుణ, ధనలక్ష్మి, రవీందర్, శ్రీనివాస్, సందయ్య నగర్ ప్రెసిడెంట్ బస్వరాజ్, నెహ్రూనగర్ బస్తీ ప్రెసిడెంట్ గఫర్ తదితరులు పాల్గొన్నారు.
