- బాలింగ్ గౌతమ్ గౌడ్ ఆధ్వర్యంలో ఇంటింటి ప్రచారం
- వేల సంఖ్యలో పాల్గొన్న డివిజన్ కార్యకర్తలు
నమస్తే శేరిలింగంపల్లి : చేవెళ్ల పార్లమెంట్ అభ్యర్ధి కాసాని జ్ఞానేశ్వర్ కి మద్దతుగా శేరిలింగంపల్లి ఆర్టీఏ కార్యాలయం వద్ద బీఆర్ఎస్ పార్టీ హఫీజ్ పేట్ డివిజన్ అధ్యక్షుడు బాలింగ్ గౌతమ్ గౌడ్ ఆధ్వర్యంలో రోడ్ షో నిర్వహించారు. ఈ కార్యక్రమానికి బీఆర్ఎస్ పార్టీ వర్కింగ్ ప్రెసిడెంట్ కల్వకుంట్ల తారకరామారావు, ఎమ్మెల్యే ఆరెకపూడి గాంధీ పాల్గొని ప్రచారం చేపట్టారు. వేల సంఖ్యలో పాల్గొన్న పార్టీ కార్యకర్తలతో ఆ దారులు గులాబీమయమయ్యాయి.
ఈ సందర్భంగా కేటీఆర్ ప్రసంగిస్తూ మొదటగా ఆరెకపూడి గాంధీని గెలిపించిన ప్రతి ఒక్కరికీ ధన్యవాదాలు తెలిపారు. అదే తరహాలో చేవెళ్ల పార్లమెంట్ అభ్యర్ధి కాసాని జ్ఞానేశ్వర్ ని కూడా కచ్చితంగా మీ అమూల్యమైన ఓటు వేసి గెలిపించాల్సిందిగా అందరినీ కోరారు.
బీజేపీ, కాంగ్రెస్ అవలంబిస్తున్న ప్రజా వ్యతిరేక వైఖరిని ఎండగట్టాలని, కాంగ్రెస్ ఇచ్చిన ఆరు గ్యారంటీలు అంత తూ తూ మంత్రమేనని , ప్రజలు పడ్తున్న కష్టాలను తమ ఓటు ద్వారా కెసిఆర్ పార్టీ కారు గుర్తుకు ఓటు వేసి గెలిపిస్తారనీ దీమా వ్యక్తం చేశారు.
