నమస్తే శేరిలింగంపల్లి: గచ్చిబౌలి డివిజన్ పరిధిలోని నల్లగండ్ల గ్రామంలో శ్రీశ్రీశ్రీ భ్రమరాంబిక సమేత మల్లికార్జున స్వామి కల్యాణ మహోత్సవం ఆదివారం ఘనంగా నిర్వహించను‌న్నట్లు హఫీజ్ పేట్, మాదాపూర్ డివిజన్ల కార్పొరేటర్లు పూజితజగదీశ్వర్ గౌడ్ దంపతులు తెలిపారు. ప్రతి సంవత్సరం శ్రీ భ్రమరాంబిక సమేత మల్లికార్జున స్వామి జాతర, కల్యాణ మహోత్సవం నిర్వహించడం జరుగుతుందని అన్నారు. ఆదివారం ఉదయం 10 గంటల నుంచి సాయంత్రం వరకు అత్యంత భక్తి శ్రద్ధలతో నిర్వహించనున్న శ్రీశ్రీశ్రీ భ్రమరాంబిక మల్లికార్జున స్వామి జాతర మహోత్సవంలో భక్తులు, మహిళలు అధిక సంఖ్యలో పాల్గొని అ భగవంతుని ఆశీస్సులు పొందగలరని విజ్ఞప్తి చేశారు.
Advertisement
