నమస్తే శేరిలింగంపల్లి: మహా శివరాత్రి పర్వదినోత్సవాన్ని పురస్కరించుకుని గచ్చిబౌలి డివిజన్ పరిధిలోని నల్లగండ్ల శ్రీ సోమేశ్వర స్వామి దేవాలయంలో ప్రభుత్వ విప్, ఎమ్మెల్యే ఆరెకపూడి గాంధీ ప్రత్యేక పూజలు చేశారు. శివలింగానికి పంచామృత అభిషేకాలు చేసి భక్తులకు అన్నదాన కార్యక్రమం ఏర్పాటు చేశారు. ఈ సందర్భంగా ప్రభుత్వ విప్ ఆరెక పూడి గాంధీ మాట్లాడుతూ మహా శివరాత్రి ఎంతో పర్వదినమని, పరమ శివుడికి అత్యంత ఇష్టమైన రోజు శివరాత్రి నాడు భక్తులు వాడ వాడల రోజు వారీ ఉపవాస దీక్షలతో, జాగరణ తో శివున్ని కొలవడం జరుగుతుందని అన్నారు. ఈ కార్యక్రమంలో ఈఓ భారతి, గ్రంథాలయ డైరెక్టర్ గణేష్ ముదిరాజ్, చందానగర్ డివిజన్ అధ్యక్షలు రఘునాథ్ రెడ్డి, హఫీజ్ పేట్ డివిజన్ అధ్యక్షులు గౌతమ్ గౌడ్, టీఆర్ఎస్ నాయకులు చెన్నం రాజు, ఆకుల యాదగిరి, వసంత కుమార్, సత్యనారాయణ, నరేందర్ గౌడ్, రామారావు, మల్లేష్ ,వినోద్ ,రమేష్ తదితరులు పాల్గొన్నారు.
మారుతీ నగర్ లో..
మహా శివరాత్రి పర్వదినం సందర్బంగా శేరిలింగంపల్లి డివిజన్ పరిధిలోని మారుతీ నగర్ మజిద్ బండ లో శ్రీ అన్నపూర్ణ సమేత కాశి విశ్వేశ్వర స్వామి దేవాలయంలో ప్రభుత్వ విప్ ఆరెకపూడి గాంధీ అభిషేకం చేసి పూజలు నిర్వహించారు. కార్యక్రమంలో చందా నగర్ డివిజన్ అధ్యక్షులు రఘునాథ్ రెడ్డి, హఫీజ్ పెట్ డివిజన్ అధ్యక్షులు గౌతమ్ గౌడ్ తదితరులు పాల్గొన్నారు.
ప్రేమ్ నగర్ లో..
కొండాపూర్ డివిజన్ పరిధిలోని ప్రేమ్ నగర్ శ్రీ రామలింగేశ్వర స్వామి దేవాలయంలో ప్రభుత్వ విప్ గాంధీ ప్రత్యేక పూజలు చేశారు. స్వామి వారికి అభిషేకం చేసి ప్రజలందరూ సుఖ సంతోషాలతో ఉండాలని ఆకాంక్షించారు. ఈ కార్యక్రమంలో హఫీజ్ పెట్ డివిజన్ అధ్యక్షులు గౌతమ్ గౌడ్, నాయకులు సాంబశివరావు, తిరుపతి, రజినీకాంత్ ,శ్రీనివాస్ చౌదరీ, బృందరావు, అంజి, శారదమ్మ తదితరులు పాల్గొన్నారు.
