నమస్తే శేరిలింగంపల్లి:శేరిలింగంపల్లి డివిజన్ శ్రీ రామ్ నగర్ శ్రీనిధి గ్లోబల్ స్కూల్ లో బతుకమ్మ సంబరాలు శనివారం ఘనంగా నిర్వహించారు. పాఠశాల విద్యార్థులు, ఉపాధ్యాయులు రంగురంగు పూలతో బతుకమ్మలను పేర్చి పాఠశాల ఆవరణలో తెలంగాణ సంస్కృతి సాంప్రదాయాలు ఉట్టిపడేలా పాఠశాల చైర్మన్ నల్లపాటి వెంకటేశ్వర రావు ఆధ్వర్యంలో ఎంగిలి పూల బతుకమ్మ వేడుకలను స్కూల్ ప్రిన్సిపాల్ శ్రీలత ప్రారంభించారు. ఈ సందర్భంగా ఆమె మాట్లాడుతూ ప్రపంచంలో ఎక్కడా లేని విధంగా ప్రకృతిని, పూలను ఆరాధించే అరుదైన పండుగ బతుకమ్మ అని అన్నారు. సంస్కృతి, సంప్రదాయాలకు మన ఆత్మగౌరవానికి ప్రతీకగా బతుకమ్మ తెలంగాణ సంస్కృతీ అద్దం పట్టే మన ఆడబిడ్డలు ఎంతో వైభవంగా జరుపుకునే పూల పండుగ బతుకమ్మ పండుగ అని అన్నారు. ఈ కార్యక్రమంలో విద్యార్థినీలు, ఉపాధ్యాయులు పాల్గొన్నారు.
Advertisement
