నమస్తే శేరిలింగంప‌ల్లి: తెలంగాణ రాష్ట్రంలో గ్రేడ్ 1 మునిసిప‌ల్ క‌మీష‌న‌ర్లుగా విధులు నిర్వ‌హిస్తున్న 9 మంది ప్ర‌భుత్వ అధికారుల‌కు ప‌దోన్న‌తి క‌ల్పిస్తూ సంబంధిత శాఖ అధికారులు ఉత్త‌ర్వులు జారీ చేశారు. రాష్ట్ర ప్ర‌భుత్వ కార్య‌ద‌ర్శి సి.సుద‌ర్శ‌న్ రెడ్డి గ్రేడ్ 1 మునిసిప‌ల్ క‌మీష‌న‌ర్లుగా బాధ్య‌త‌లు నిర్వ‌హిస్తున్న అధికారుల‌ను స్పెష‌ల్ గ్రేడ్ మున్సిప‌ల్ క‌మీష‌న‌ర్లుగా ప‌దోన్న‌తి క‌ల్పిస్తూ జివో విడుద‌ల చేశారు. ప‌దోన్న‌తి పొందిన వారిలో టి.యాద‌య్య, ఎస్‌.జ‌యంత్‌, పి.మోహ‌న్‌రెడ్డి, ఎం.కె.ఐ.అలి, జి.ఉమాప్ర‌కాష్‌, కె.నారాయ‌ణ‌రావు, కె.ర‌వికుమార్‌, కె.ఫాల్గుణ్ కుమార్‌, డి.బాల‌య్య‌లు ఉన్నారు. ప‌దోన్న‌తి పొందిన అధికారులంద‌రూ గెజిట్ విడుద‌లైన 15 రోజుల లోపు త‌మ విధుల్లో చేరాల‌ని ఆదేశాలు జారీ చేశారు.
Advertisement
