న‌మ‌స్తే శేరిలింగంప‌ల్లి: మాదాపూర్‌ శిల్పారామంలో వారాంతపు సాంస్కృతిక కార్యక్రమాలలో భాగంగా ఆదివారం కూచిపుడి నృత్య ప్రదర్శన ఆక‌ట్టుకుంది. టెంపుల్ అఫ్ కూచిపూడి డాన్స్ స్కూల్ గురువు శ్రీనయ్య శిష్య బృందం కూచిపూడి నృత్య ప్రదర్శన ఆధ్యంతం అలరించింది. శ్రీనయ్య శిష్య బృందం స‌భ్యులు గౌరీ, ఆశ్రిత, జస్నా, నాయన, హాసనలు బ్రహ్మాంజలి, గణపతి కోవతం, శివాష్టకం, తాండవ నృత్యకరి, మండూక శబ్దం, తిల్లాన త‌దిత‌ర అంశాలను అద్భుతంగా ప్రదర్శించారు. ఈ కార్య‌క్ర‌మంలో ముఖ్య అతిధిగా పాల్గొన్న స్వర్ణ భారతి కళానిలయం వ్య‌వ‌స్థాప‌కులు నర్రోజు మోహన్ మాట్లాడుతూ న‌గ‌రం న‌డిబొడ్డున చ‌ల్ల‌ని సాయంత్ర వేళ ప్ర‌కృతి ఒడిలో నృత్య క‌ళాకారులు ప్ర‌దర్శించిన నృత్యం ఎంతో ఆక‌ట్టుకుంద‌ని అన్నారు. ఈ సందర్భంగా శ్రీనయ్య బృందాన్ని ఆయ‌న ప్ర‌త్యేకంగా అభినందించారు.
Advertisement
