నమస్తే శేరిలింగంపల్లి : శేరిలింగంపల్లి నియోజకవర్గం గచ్చిబౌలి డివిజన్ పరిధిలోని నానక్‌రామ్‌గూడలో హనుమాన్ యూత్ అసోసియేషన్ ఆధ్వర్యంలో వినాయక మండపంలో గచ్చిబౌలి డివిజన్ కార్పొరేటర్ వి.గంగాధర్ రెడ్డి ప్రత్యేక పూజలు చేశారు.
అనంతరం నిర్వాహకులు ఆయనను ఘనంగా సన్మానించారు. ఈ సందర్భంగా గచ్చిబౌలి డివిజన్ కార్పొరేటర్ గంగాధర్ రెడ్డి మాట్లాడుతూ విఘ్నేశ్వరుని కరుణా, కటాక్షం ప్రజలపై తప్పక ఉంటుందన్నారు. అనంతరం ఏర్పాటు చేసిన అన్నదాన కార్యక్రమంలో పాల్గొని భక్తులకు అన్నదానం చేశారు. కార్యక్రమంలో గచ్చిబౌలి డివిజన్ వైస్ ప్రెసిడెంట్ తిరుపతి, శివ సింగ్, సీనియర్ నాయకులు మీన్ లాల్ సింగ్, సంతోష్ సింగ్, ఉమేష్ సింగ్, పాపాలాల్ సింగ్, సంతోష్ సింగ్, గణేష్, ఉమేశ్వర్ గౌడ్, గణేష్ కమిటీ సభ్యులు, స్థానిక నేతలు, భక్తులు, నానక్‌రామ్‌గూడ కాలనీ వాసులు, కార్యకర్తలు, భారీ సంఖ్యలో పాల్గొన్నారు.
