నమస్తే శేరిలింగంపల్లి: చందానగర్ డివిజన్ పరిధిలోని రాజేందర్ రెడ్డి నగర్ కాలనీ అసోసియేషన్ ఆధ్వర్యంలో ప్రతిష్ఠించిన పర్యావరణ వినాయకుడి వద్ద 6వ రోజు పూజా కార్యక్రమాలు ఘనంగా జరిగాయి. బిజెపి రాష్ట్ర నాయకులు కసిరెడ్డి భాస్కరరెడ్డి మట్టి గణనాథుడికి ప్రత్యేక పూజలు నిర్వహించారు. ఈ సందర్భంగా ఆయన మాట్లాడుతూ అటు భారతీయ సంస్కృతి సంప్రదాయాలను కాపాడుకుంటూ, ఇటు పర్యావరణాన్ని పరిరక్షించుకుంటూ వినాయక నవరాత్రి ఉత్సవాలను జరుపుకోవడం ఇతరులకు ఆదర్శనీయమని అన్నారు. ఈ సందర్భంగా కాలనీవాసులను కసిరెడ్డి భాస్కర్ రెడ్డి ప్రత్యేకంగా అభినందించారు.
Advertisement
