నమస్తే శేరిలింగంపల్లి: కాప్రాలోని శ్రీచెన్నకేశవ స్వామి ఆలయంలో గల శ్రీజయ మంగళ పంచముఖ ఆంజనేయ స్వామి వారిని ప్రభుత్వ విప్, శేరిలింగంపల్లి నియోజకవర్గం ఎమ్మెల్యే ఆరెకపూడి గాంధీ దర్శించుకుని ప్రత్యేక పూజలు చేశారు.
పంచముఖాంజనేయ స్వామి దశమ వార్షిక బ్రహ్మోత్సవ వేడుకలలో భాగంగా సోలీస్ కంటి ఆసుపత్రి ఎండీ నందనంపాటి రామాంజనేయులు దంపతుల ఆధ్వర్యంలో నిర్వహించిన సీతారాముల కల్యాణం, శ్రీరామ హోమం, ఆంజనేయ స్వామి హోమం తదితర కార్యక్రమాల్లో ప్రభుత్వ విప్ గాంధీ పాల్గొని పూజలు నిర్వహించారు. ప్రజలందరూ సుఖ సంతోషాలతో ఉండేలా చూడాలని ఆంజనేయ స్వామిని వేడుకున్నారు. ఈ కార్యక్రమంలో టీఆర్ఎస్ నాయకులు కొత్త రామారావు, మండలి రాధ, శ్రీనివాస్ యాదవ్, గౌతమ్ గౌడ్, శ్రావణ్ కుమార్, రామతులసి, సుదర్శన్ రావు, పెద్ది గోపాల్ తదితరులు పాల్గొన్నారు.
Advertisement
