- ఎంపీ రంజిత్ రెడ్డికి కలివేముల వీరేశం గౌడ్ విన‌తి
శేరిలింగంపల్లి (న‌మ‌స్తే శేరిలింగంపల్లి): రాబోయే GHMC ఎన్నికల్లో శేరిలింగంపల్లి నియోజకవర్గంలో ఏదైనా ఒక డివిజన్ నుండి తెరాస త‌ర‌ఫున కార్పొరేట‌ర్ ప‌ద‌వికి పోటీ చేసేందుకు అవకాశం కల్పించాలని కోరుతూ తెరాస ఉద్యమకారుడు కలివేముల వీరేశం గౌడ్ సోమ‌వారం చేవెళ్ల ఎంపీ డాక్ట‌ర్ రంజిత్ రెడ్డికి విన‌తిప‌త్రం అందజేశారు. ఈ మేరకు వీరేశంగౌడ్ ఎంపీని మ‌ర్యాద‌పూర్వ‌కంగా క‌లిసి విజ్ఞ‌ప్తి చేశారు.
శేరిలింగంపల్లి నియోజకవ‌ర్గం తెరాస మాజీ ఇన్‌చార్జి, దివగంత నేత, తెలంగాణ రాష్ట్ర తెరాస బీసీ సెల్ మాజీ అధ్యక్షుడు కొండకల్ శంకర్ గౌడ్ కు బంధువునైన త‌న‌కు అవకాశం ఇస్తే ప్రజాక్షేత్రంలో క్షేత్రస్థాయిలో బలమైన గొంతుక వినిపిస్తాన‌ని అన్నారు. ప్ర‌భుత్వం ప్ర‌వేశ‌పెడుతున్న సంక్షేమ ప‌థ‌కాల‌ను, చేస్తున్న అభివృద్ధిని ప్ర‌జ‌ల్లోకి మ‌రింత తీసుకెళ్తాన‌ని, పార్టీ బ‌లోపేతానికి కృషి చేస్తాన‌ని అన్నారు. ఈ కార్యక్రమంలో కె సత్యనారాయణ గౌడ్, కె సంతోష్ కుమార్, ప్రదీప్ చారి తదితరులు పాల్గొన్నారు.
