నమస్తే శేరిలింగంపల్లి: మియాపూర్ డివిజన్ పరిధిలోని కృషి నగర్ కాలనీలో నూతనంగా నిర్మిస్తున్న సిసి రోడ్డు పనులను స్థానిక నాయకులతో కలసి మియాపూర్ డివిజన్ కార్పొరేటర్ ఉప్పలపాటి శ్రీకాంత్ పరిశీలించారు.
ఈ సందర్భంగా ఆయన మాట్లాడుతూ కృషి నగర్ కాలనీఅ భివృద్ధికి కృషి చేస్తామని, కాలనీలో మౌళికవసతులు కల్పించడమే ప్రధాన ధ్యేయంగా ముందుకు సాగుతున్నామని, కాలనీ ప్రజలకు అందుబాటులో ఉంటూ రోడ్లు డ్రైనేజి, మంచినీటి సమస్యల పరిష్కారానికి కృషి చేస్తామని తెలిపారు. డివిజన్ పరిధిలో మంజూరైన అభివృధి పనులను నాణ్యత ప్రమాణాలతో చేపట్టాలని , నాణ్యత విషయంలో ఎక్కడ రాజి పడకూడదని అధికారులకు ఆదేశించారు. ప్రజలకు ట్రాఫిక్ రహిత, సుఖవంతమైన, మెరుగైన రవాణా సౌకర్యం కోసం శాయ శక్తులా కృషి చేస్తానని, ప్రజలకు స్వచ్ఛమైన, చక్కటి ఆహ్లాదకరమైన వాతావరణం కలిపిస్తామని పనులను త్వరగా పూర్తి చేసి విడతల వారిగా అందుబాటులోకి తీసుకువచ్చేల కృషి చేస్తామని పేర్కొన్నారు. ఈ కార్యక్రమంలో స్థానిక నాయకులు రాజు గౌడ్, విజయ్ ముదిరాజ్, వర్క్ ఇన్ స్పెక్టర్ జగదీష్ పాల్గొన్నారు.
