సైబ‌రాబాద్ పోలీస్ క‌మిష‌న‌రేట్‌లో ఘ‌నంగా ఆయుధ‌పూజ

• కుటుంబ స‌భ్యుల‌తో క‌లిసి పూజ‌లు చేసిన సీపీ వీసీ స‌జ్జ‌నార్

సైబ‌రాబాద్‌ (న‌మ‌స్తే శేరిలింగంప‌ల్లి): విజ‌య‌ద‌శ‌మి సంద‌ర్బంగా సైబ‌రాబాద్ పోలీస్ క‌మిష‌న‌రేట్‌లోని సీఏఆర్ హెడ్ క్వార్ట‌ర్స్‌లో శ‌నివారం ఆయుధ పూజ నిర్వ‌హించారు. ఈ కార్య‌క్ర‌మంలో సీపీ వీసీ స‌జ్జ‌నార్ త‌న కుటుంబ స‌భ్యుల‌తో క‌లిసి పాల్గొని ఆయుధాల‌కు పూజ‌లు చేశారు. హెడ్ క్వార్ట‌ర్స్‌లోని బాంబ్ డిటెక్ష‌న్ అండ్ డిస్పోజ‌ల్ ఎక్విప్‌మెంట్ స్టోర్‌, ఆర్ఐ స్టోర్స్‌, మాగ‌జైన్ రైట‌ర్‌, మాగ‌జైన్‌, బెల్ ఆఫ్ ఆర్మ్స్ రూమ్‌, డ్యూటీ ఆఫీస‌ర్ రూం, బీడీ టీమ్ స్టోర్‌, ఏఆర్ఎస్ఐ రూమ్‌, ఏసీపీ హెడ్ క్వార్ట‌ర్స్ రూమ్‌ల‌లో ఆయుధాలు, వాహ‌నాలు, ఇత‌ర సామ‌గ్రికి ఆయ‌న పూజ‌లు చేశారు.

ఈ సంద‌ర్బంగా సీపీ స‌జ్జ‌నార్ మాట్లాడుతూ.. చెడుపై మంచి సాధించిన విజ‌యానికి గుర్తుగా విజ‌య‌ద‌శ‌మి పండుగ‌ను జ‌రుపుకుంటార‌ని అన్నారు. స‌మాజంలో చెడును పార‌ద్రోలేందుకు పోలీసు విభాగం కృషి చేస్తుంద‌ని తెలిపారు. ఈ సంద‌ర్భంగా ఆయ‌న సైబ‌రాబాద్ ప్ర‌జ‌ల‌కు ద‌స‌రా పండుగ శుభాకాంక్ష‌లు తెలిపారు.

ఈ కార్య‌క్ర‌మంలో సైబ‌రాబాద్ ట్రాఫిక్ డీసీపీ ఎస్ఎం విజ‌య్ కుమార్‌, మాదాపూర్ డీసీపీ వెంక‌టేశ్వ‌ర్లు, బాలాన‌గ‌ర్ డీసీపీ ప‌ద్మ‌జ‌, సీఏఆర్ హెడ్ క్వార్ట‌ర్స్ ఏడీసీపీ మాణిక్ రాజ్, సీఏఆర్ హెడ్ క్వార్ట‌ర్స్ సీఎస్‌డ‌బ్ల్యూ వెంక‌ట్ రెడ్డి, ఎస్‌వోటీ ఏడీసీపీ సందీప్‌, ఏడీసీపీ అడ్మిన్ లావ‌ణ్య ఎన్‌జేపీ, సీఏఆర్ హెడ్ క్వార్ట‌ర్స్ ఏసీపీ ల‌క్ష్మీనారాయ‌ణ‌, మాదాపూర్ ఏసీపీ ర‌ఘునంద‌న్ రావు, ఎస్టేట్ ఆఫీస‌ర్ ఏసీపీ సంతోష్ కుమార్‌, ఎస్సీఎస్సీ ప్ర‌ధాన కార్య‌ద‌ర్శి కృష్ణ యేదుల‌, ఇన్‌స్పెక్ట‌ర్లు, ఆర్ఐఉ, హెడ్ క్వార్ట్స్ సిబ్బంది, ఇత‌ర అధికారులు, సిబ్బంది త‌దిత‌రులు పాల్గొన్నారు.

Advertisement