నమస్తే శేరిలింగంపల్లి:సత్యాగ్రహాలను ఆయుధాలుగా మలుచుకొని బ్రిటిష్ సామ్రాజ్యాన్ని గడగడ లాడించి భారతావనికి సంకెళ్ళు విడిపించిన గొప్ప మానవతావాది మహాత్మ గాంధీజీ అని ఫ్రెండ్స్ వెల్ఫేర్ అసోసియేషన్ కన్వీనర్ తాడిబోయిన రామస్వామి యాదవ్ పేర్కొన్నారు. ప్రపంచ అహింసా దినోత్సవాన్ని పురస్కరించుకుని మాదాపూర్ లోని స్వాతి హైస్కూల్ ప్రాంగణంలో జాతిపిత మహాత్మాగాంధీ విగ్రహానికి పూలమాలలు వేసి ఘనంగా నివాళి అర్పించారు. తాడిబోయిన రామస్వామి యాదవ్ ఈ సందర్భంగా మాట్లాడుతూ భారత దేశానికి స్వాతంత్ర్యం సాధించిన మహోన్నతుడు మహాత్మ గాంధీ అన్నారు. కుల మత భేదాలు వదిలి మానవతా బాటలో పయనించడం మానవ ధర్మం అని చెప్పారని అన్నారు. బానిస భావాలను విడనాడితే నే సుఖ శాంతులతో జీవించ గలమని..ఈ సందర్భంగా గాంధీ గారి సిద్దాంతాలని ఆచరణలో పెడితేనే జాతి కి మనుగడ అనీ ఆయన చెప్పారు. ఈ కార్యక్రమంలో ఫ్రెండ్స్ వెల్ఫేర్ అసోసియేషన్ ప్రధాన కార్యదర్శి ఫణికుమార్, విష్ణుప్రసాద్, శివరామకృష్ణ, జివి రావు, కందుకూరి విజయానందు, పాలెం శ్రీను, జనార్ధన్, బాలాజీ తదితరులు పాల్గొన్నారు.
