నమస్తే శేరిలింగంపల్లి: రోడ్డు ప్రమాదంలో గుర్తు తెలియని వ్యక్తి మృతిచెందిన సంఘటన మియాపూర్ పోలీస్ స్టేషన్ పరిధిలో చోటుచేసుకుంది. మియాపూర్ పోలీసులు తెలిపిన వివరాల ప్రకారం మంగళవారం ఉదయం 9.30 గంటల సమయంలో మియాపూర్ నుంచి కూకట్ పల్లి వెళ్తున్న టీఎస్‌07యూజీ7338 నెంబరు గల ఒక ఐషర్‌ వాహనాన్ని డ్రైవర్‌ అతివేగంతో, నిర్లక్ష్యంగా నడుపుతూ ఓంకార్‌నగర్‌ నుంచి లక్ష్మీనగర్‌ వైపు పిల్లర్ నంబర్ 605 వద్ద నుంచి కాలినడకన వెళ్తున్న గుర్తుతెలియని వ్యక్తిని ఢీకొట్టాడు. తలకు తీవ్ర గాయాలవడంతో చికిత్స నిమిత్తం శ్రీకర ఆస్పత్రికి తరలించగా మృతిచెందినట్లు వైద్యులు ధృవీకరించారు. ఈ మేరకు కేసు నమోదు చేసుకున్నట్లు పోలీసులు తెలిపారు.
Advertisement
