సైబరాబాద్ (న‌మ‌స్తే శేరిలింగంప‌ల్లి): మాదాపూర్‌లోని మెడిక‌ల్ హాస్పిట‌ల్‌లో నూత‌నంగా ఏర్పాటు చేసిన బ్లూ ప్లానెట్ ఆడిటోరియంను సైబరాబాద్ క‌మిష‌న‌ర్ వీసీ సజ్జనార్ ఆదివారం ముఖ్య అతిథిగా హాజ‌రై ప్రారంభించారు. ఈ సంద‌ర్భంగా డీకోడింగ్ సీటీవో అనే పుస్త‌కాన్ని ఆవిష్క‌రించారు. ఈ కార్యక్ర‌మంలో ప్రొఫెస‌ర్ సంప‌త్ కుమార్‌, డాక్ట‌ర్లు శ‌ర‌త్ రెడ్డి, అనిల్ కృష్ణ, కృష్ణ ప్ర‌సాద్‌, కృష్ణ కిర‌ణ్‌, సీనియ‌ర్ ఇంట‌ర్‌వెన్ష‌న‌ల్ కార్డియాల‌జిస్టులు పాల్గొన్నారు.
ఈ సంద‌ర్భంగా హాస్పిట‌ల్ ప్ర‌తినిధులు మాట్లాడుతూ.. నూత‌నంగా ఏర్పాటు చేసిన బ్లూ ప్లానెట్ ఆడిటోరియం వ‌ల్ల ప్ర‌పంచ వ్యాప్తంగా వైద్య రంగానికి చెందిన ఉద్యోగులు, సిబ్బంది ఆ రంగానికి చెందిన అనేక అంశాల‌పై వ‌ర్చువ‌ల్‌గా ట్రెయినింగ్ పొంద‌వ‌చ్చ‌ని అన్నారు. అలాగే డీకోడింగ్ సీటీవో పుస్త‌కం కార్డియాల‌జిస్టుల‌కు ఎంత‌గానో ఉప‌యోగ‌ప‌డుతుంద‌ని తెలిపారు. ఈ సంద‌ర్బంగా సీపీ సజ్జనార్ మెడిక‌వ‌ర్ హాస్పిట‌ల్ ప్ర‌తినిధుల‌ను అభినందించారు. ప్ర‌పంచంలోని వైద్య నిపుణులు, ఉద్యోగులు, సిబ్బందికి ఉప‌యోగ‌ప‌డేలా వ‌ర్చువ‌ల్ ట్రెయినింగ్ కేంద్రాన్ని ఏర్పాటు చేయ‌డం సంతోష‌క‌ర‌మ‌న్నారు.
