శేరిలింగంపల్లి, సెప్టెంబర్ 24 (నమస్తే శేరిలింగంపల్లి):పెంపుడు జంతువుల ఆరోగ్య సంరక్షణ సంస్థ ఆల్పెట్స్ క్లినిక్ హైదరాబాద్లో తన రెండో పశువైద్య కేంద్రాన్ని ప్రారంభించింది. నల్లగండ్లలో ఏర్పాటు చేసిన ఈ క్లినిక్తో పాటు, రాబోయే 12 నెలల్లో దక్షిణ భారతదేశంలో మరో 10 క్లినిక్లను ఏర్పాటు చేయాలని సంస్థ లక్ష్యంగా పెట్టుకుంది. నల్లగండ్లలోని హుడా రెసిడెన్షియల్ కాంప్లెక్స్ లేఅవుట్లో 1,200 చదరపు అడుగుల విస్తీర్ణంలో ఈ కొత్త కేంద్రాన్ని ఏర్పాటు చేశారు. ప్రముఖ నటుడు సుశాంత్ ముఖ్య అతిథిగా హాజరై క్లినిక్ను ప్రారంభించారు. కార్యక్రమంలో ఆల్పెట్స్ వ్యవస్థాపకురాలు, సీఈఓ డాక్టర్ జస్లీన్ కౌర్, సహ వ్యవస్థాపకులు ఎ. అరుణ్ కుమార్, ఎం. తిరుమలై పాల్గొన్నారు.
ఈ క్లినిక్లో పశువైద్య సంప్రదింపులు, నివారణ ఆరోగ్య సంరక్షణ, టీకాలు, రోగ నిర్ధారణ, చికిత్స, శస్త్రచికిత్స, ఫార్మసీ, అత్యవసర సేవలు అందుబాటులో ఉంటాయి. కుక్కలు, పిల్లులు, ఇతర పెంపుడు జంతువులకు సేవలు అందించనున్నారు. ఆల్పెట్స్ దాదాపు 10 ఏళ్ల క్రితం ప్రారంభమై ఇప్పటివరకు 15,000 మందికి పైగా పెంపుడు జంతువుల యజమానులకు సేవలు అందించింది. సంస్థ ఆధ్వర్యంలో 57,000కు పైగా సంప్రదింపులు, 1,000కు పైగా శస్త్రచికిత్సలు నిర్వహించినట్లు వెల్లడించింది. ఆల్పెట్స్ సహ వ్యవస్థాపకుడు ఎ. అరుణ్ కుమార్ మాట్లాడుతూ.. రాబోయే 12 నెలల్లో దక్షిణ భారతదేశంలో మరో 10 క్లినిక్లను ప్రారంభించడమే లక్ష్యమన్నారు. భవిష్యత్తులో దేశవ్యాప్తంగా విస్తరించగల బహుళ-నగర పశువైద్య ఆరోగ్య సంరక్షణ వేదికను నిర్మించాలనుకుంటున్నట్లు తెలిపారు. జాతీయ స్థాయి వేదిక నిర్మాణంలో భాగస్వాములు కావాలనుకునే ప్రమోటర్లు, పెట్టుబడిదారులతో చర్చలకు సిద్ధంగా ఉన్నామని చెప్పారు.
సహ వ్యవస్థాపకుడు ఎం. తిరుమలై మాట్లాడుతూ.. పెంపుడు జంతువుల యాజమాన్యం, ఆరోగ్య సంరక్షణపై అవగాహన పెరుగుతున్న నేపథ్యంలో వ్యవస్థీకృత పశువైద్య సేవలకు డిమాండ్ పెరుగుతోందన్నారు. దక్షిణ భారతదేశంలో ఏర్పాటు చేయనున్న తదుపరి 10 క్లినిక్లు సంస్థ విస్తరణకు కీలకంగా నిలుస్తాయని పేర్కొన్నారు. వ్యవస్థీకృత పశువైద్య సేవలను మరింత విస్తరించడంతో పాటు, ఆధునిక మౌలిక సదుపాయాలు, శిక్షణ పొందిన పశువైద్య బృందాలు, ప్రామాణిక క్లినికల్ ప్రోటోకాల్లతో బహుళ-నగర నెట్వర్క్ను నిర్మించడమే ఆల్పెట్స్ లక్ష్యంగా పెట్టుకుంది.
